Պարտադիր ձմեռային անվադողեր. Նինոծմինդա քաղաքի բնակիչների կարծիքը

Իրավական հարցերի խորհրդարանական հանձնաժողովն առաջին ընթերցմամբ քննարկել և պաշտպանել է Վրաստանի ՆԳՆ նախաձեռնությունը՝ հաշվի առնելով, որ մտցվում է, այսպես կոչված, ձմռանը ձմեռային անվադողերվ համալրված ավտոմեքենայով երթեւեկելու պարտավորություն։

Ձմեռային ժամանակահատվածում՝ դեկտեմբերի 1-ից մարտի 1-ը, Վրաստանի կառավարության սահմանած գոտիներում (լեռնանցքներում և լեռնային շրջաններում) պահանջ կդրվի, որ մեքենայի բոլոր չորս անիվները պետք է հագեցված լինեն ձմեռային անվադողերով։ Եթե վարորդը չկատարի այս պահանջը, նրա նկատմամբ կկիրառվեն վարչական տույժեր՝ տուգանք 100 լարիի չափով եւ վարորդական իրավունքի 5 միավորի նվազեցում։ Անվադողերի տեխնիկական պարամետրերը կորոշի Վրաստանի կառավարությունը։

Այս հարցով մենք հարցում ենք անցկացրել Նինոծմինդա քաղաքում և պարզել բնակիչների կարծիքը։

Նինոծմինդա քաղաքում անցկացված հարցումը ցույց է տվել, որ քննարկվող նախաձեռնությունը պաշտպանվել է բնակիչների կողմից, բայց նաև ընդգծել է հնարավոր ֆինանսական խոչընդոտները դիտարկելու անհրաժեշտությունը:

Բնակիչները նշում են, որ ձմռանը ձմեռային անվադողերի օգտագործումը օգնում է կանխել տրանսպորտային միջոցների սայթաքումը, ինչը հատկապես կարևոր է ձյան տեղումների և ճանապարհների մերկասառույցի պայմաններում։ Ոմանք նշել են, որ ոչ բոլորն են կարող իրենց թույլ տալ նոր ձմեռային անվադողեր գնել, քանի որ դրանց արժեքը բավականին բարձր է։