Բնակիչների բողոքները բազմաբնակարան շենքերում աշխատանքները կիսատ կասեցնելու վերաբերյալ

Օրեր առաջ դադարեցվել են բազմահարկ շենքերի ճակատների վերանորոգման աշխատանքները։

Նինոծմինդայի մունիցիպալիտետում եղանակային պայմանների վատթարացման պատճառով դիմեցինք ընկերության տնօրեն Գեորգի Խոզրեւանիձեին՝ պարզելու, թե այս տարի կշարունակվե՞ն աշխատանքները և կկարողանա՞ն ժամանակին ավարտել։

Բազմահարկ շենքերի բնակիչները դժգոհություն են հայտնում, որ աշխատանքները դադարեցվել են, բնակիչների բակերը խցանված են աշխատանքային նյութերով, որոնք խանգարում են երթեւեկությանը։ Ազատության թիվ 7 հասցեում գտնվող բազմահարկ շենքի բնակիչները նշում են, որ շինարարական աստիճանները խոչընդոտ են ստեղծում անգամ լվացքի փռելու համար։

Ընկերության տնօրենը մեզ ասաց, որ աշխատանքները կսկսվեն եղանակային պայմանների բարելավումից հետո։ Արդեն ավարտված է ճակատի վերանորոգման աշխատանքների 70%-ը։ Աշխատանքների ամբողջական ավարտը կախված է եղանակային պայմաններից, մինչև 2024 թվականի հունվարի վերջը ժամանակ կա։

Քաղաքապետարանի և შპს იქს 2 ընկերության միջև պայմանագիրը կնքվել է 14.07.2023թ. ծրագրի ավարտի ժամկետը 24 շաբաթ է: Մատակարարը պարտավորվում է աշխատանքներ իրականացնել Վրաստանի օրենսդրությամբ սահմանված համապատասխան շինարարական և բնապահպանական չափանիշներին և կանոնակարգերին համապատասխան և նախագծանախահաշվային փաստաթղթերին համապատասխան: Պայմանագիրը կավարտվի 2024 թվականի հունվարի վերջին։ Պայմանագրի ավարտին մնացել է 70 օր։

Այդ աշխատանքներն իրականացնելու համար մունիցիպալ բյուջեից հատկացվել է 680 հազար լարի։ Մրցույթը շահել է შპს იქს 2-ը 675 391 լարիի չափով։

Նինոծմինդա քաղաքի Ազատության (թիվ 7, 8, 9, 10, 12, 21, 54, 56), Տերյան թիվ 24 և Հովսեփյան 18 փողոցների երկայնքով վերանորոգվում են հետևյալ շենքերի ճակատները.

Աշխատանքային պլանը ներառում է պատերից հանել ավազ-ցեմենտի խառնուրդի հին մնացորդները, ինչպես նաև դրանք նորից ծեփել և ճակատը ներկել անջրանցիկ ներկով։ Նախատեսվում է նաև ապամոնտաժել մուտքի պատուհանները և տեղադրել մետաղապլաստե պատուհաններ, ինչպես նաև վերանորոգել ճակատային ճակատի տանիքը և տեղադրել ջրատար։

---

---