Տնային առաջադրանքները կմնան. կփոխվեն գնահատման համակարգերը
Վրացական դպրոցներում ոչ ոք չի չեղարկում տնային աշխատանքները. Վրաստանի կրթության նախարար Գիորգի Ամիլախվարին պարզաբանումներ է տվել բարեփոխումների հաջորդ ծրագրի հետ կապված։
Որոշ ծնողներ, ծանոթանալով ծրագրին, որոշել են, որ «տնային աշխատանք չի լինի», և ուրախություն է սկսվել սոցիալական ցանցերում, քանի որ շատերը դժգոհում են, որ մեծահասակները պետք է երեկոյան դաս սովորեն իրենց երեխաների հետ՝ նրանց հետ տնային առաջադրանքներ անելով։
Արդյունքում՝ վերացվում է ոչ թե տնային աշխատանքը, այլ կենտրոնացված գնահատման համակարգը՝ դպրոցները ձեռք կբերեն ավելի մեծ անկախություն և կկարողանան ստեղծել իրենց համակարգերն ու մշակել իրենց չափանիշները, պարզաբանել է նախարարը։
Կրթության նախարարությունը խոստանում է, որ այժմ շրջաբերականներն ավելի քիչ կլինեն, և դպրոցներն ավելի շատ ազատություն կունենան որոշումներ կայացնելու հարցում։
- Կկարողանան ստեղծել իրենց վարկանիշային համակարգերը.
- Իրենք կսահմանեն դպրոցական ժամերի և դասացուցակների ժամանակացույցը.
- Ուսուցչական կազմի գործառույթները կորոշեն իրենք՝ դպրոցները։
Կարևոր է. Հետ մնացող աշակերտների համար դպրոցներից կպահանջվի առաջարկել ուղղիչ ծրագրեր՝ օգնելու նրանց հաղթահարել ուսումնական ծրագիրը:
Օտարերկրյա քաղաքացիների համար վրացերենի՝ որպես պետական լեզվի ուսուցման մակարդակները կորոշվեն՝ կախված ուսման տարեթվից։
Էթնիկ փոքրամասնությունները ներկայացնող ուսանողների համար սահմանափակումը հանվում է. նախկինում մայրենի լեզվի ուսուցումը կազմակերպելու համար անհրաժեշտ էր 10 հոգանոց խումբ հավաքել։ Հիմա այս թիվը պայման չէ, եւ դպրոցը պարտավոր է ծառայությունը մատուցել անհատական հիմունքներով։
Ինչպես մասնավոր, այնպես էլ պետական դպրոցները հնարավորություն ունեն օգտվելու այսպես կոչված «չպիտակավորված դասագրքեր»֊ից` համաձայնեցված Կրթության նախարարության հետ։
Opinion, pooling and voting
