Դպրոցական բուֆետներում արգելվել է մաստակ, չիփս և այլ սննդատեսակների վաճառքը
Վրաստանի դպրոցական բուֆետներում մաստակի և մի շարք այլ սննդատեսակների վաճառքը արգելվել է։
Կրթության նախարարությունը հաստատել է ուսումնական հաստատություններում սննդի օբյեկտներին ներկայացվող պահանջների մասին փաստաթուղթը։
Աշակերտների մոտ առողջ սնվելու սովորություններ զարգացնելու համար սև ցուցակում է հայտնվել հետևյալ սննդակարգը.
- Մաստակ, կոնֆետ, շոկոլադ, անուշաբույր նախուտեստներ, ներառյալ չիփսեր
- Ընկույզ, մրգեր և բանջարեղեն՝ մշակված աղով, շաքարով կամ ճարպով
- Մայոնեզ և պահածոյացված սնունդ
- Հում ձու
- Սունկ` ցանկացած ձևով
- Սուրճ, քաղցր գազավորված ըմպելիքներ, էներգետիկ ըմպելիքներ
- Կրեմով հրուշակեղենի որոշ տեսակներ։
Փաստաթուղթը նաև սահմանում է անձնական հիգիենայի պահանջներ դպրոցների սննդի ոլորտում աշխատողների համար:
Ըստ կրթության նախարարության, մոնիտորինգի խումբը, որը կներառի աշակերտներ և ծնողներ, ուսուցիչներ (ցանկալի է կենսաբանության), դպրոցի բժիշկ կամ բուժքույր և վարչակազմի ներկայացուցիչներ, պետք է վերահսկի, թե ինչպես են բուֆետները գործում ամենօրյա ռեժիմով:
Սա առաջին դեպքը չէ, երբ կրթության նախարարությունը փորձում է առողջ սնունդ ներմուծել դպրոցական ճաշարաններում։ Համապատասխան առաջարկությունները հրապարակվել են դեռ 2017 թվականին։
Opinion, pooling and voting
