«Սպիդ»-ը Վրաստանում. Որքան դեպք է գրանցվել Սամցխե-Ջավախքում

Դեկտեմբերի 1-ը ՁԻԱՀ-ի դեմ պայքարի համաշխարհային օրն էր:

Վիճակագրության համաձայն՝ 2023 թվականի դեկտեմբերի 1-ի դրությամբ, 1989 թվականից ի վեր Վրաստանի Ինֆեկցիոն պաթոլոգիայի, ՁԻԱՀ-ի և կլինիկական իմունոլոգիայի կենտրոնում գրանցվել է ՄԻԱՎ-ով վարակված 10 338 մարդ։ Նրանցից 7736-ը տղամարդիկ են, 2602-ը՝ կանայք։ Ինչ վերաբերում է մահացածների թվին, ապա նրանց թիվը 2185 է։

Այս տարի գրանցվել է ՄԻԱՎ վարակի 560 նոր դեպք, ինչը 2%-ով ավելի է նախորդ տարվա համապատասխան ժամանակահատվածի համեմատ։

Հակառետրովիրուսային թերապիա է անցնում 6362 հիվանդ, այդ թվում՝ 41 երեխա։

Հաղորդագրված դեպքերի բաշխումն ըստ փոխանցման ուղիների հետևյալն է.

• 32,2% – թմրամիջոցների ներարկային օգտագործում
• 51,7% – հետերոսեքսուալ շփում
• 13,4% – տղամարդիկ, ովքեր սեռական հարաբերություն են ունենում այլ տղամարդու հետ
• 1.2% – ուղղահայաց (մորից երեխայի) փոխանցում
• 0,4% – արյան փոխներարկում
• 1.2% – փոխանցման երթուղին հաստատված չէ:

Ինչ վերաբերում է ՄԻԱՎ/ՁԻԱՀ-ի գրանցված դեպքերի աշխարհագրական բաշխմանը, ապա դեպքերի մեծ մասը հայտնաբերվել է Թբիլիսիում (3889 դեպք, որից 100-ը՝ օտարերկրյա քաղաքացիներ).

• Սամեգրելո – 1315 դեպք
• Իմերեթի – 1246
• Աջարիա – 1236
• Աբխազիա – 559
• Կախեթի – 504
• Քվեմո Քարթլի – 648
• Շիդա Քարթլի – 401
• Գուրիա – 214
• Սամցխե-Ջավախք – 148 դեպք։

---

---