Հունվարի 1-ից Թբիլիսիում կբարձրանան կոմերցիոն գազի գները

«Tbilisi Energy» գազաբաշխիչ ընկերությունը 2024 թվականի հունվարի 1-ից կբարձրացնի բնական գազի սակագինը Թբիլիսիում առևտրային սպառողների համար, ասվում է ընկերության հաղորդագրության մեջ։

Ինչպես նշվում է հաղորդագրության մեջ, Tbilisi Energy-ն մայրաքաղաքի բնական գազի բաշխման խոշորագույն լիցենզառուն է, որը սպասարկում է ավելի քան կես միլիոն բաժանորդի, այդ թվում՝ մինչև 20 հազար ոչ կենցաղային սպառողների։

«Գազի մատակարարի կողմից գների բարձրացման պատճառով ընկերությունը ստիպված է լինում ճշգրտել առևտրային սակագինը»,– ասվում է ընկերության հաղորդագրության մեջ։

Այսպիսով, առևտրային սպառողների համար 2024 թվականի հունվարի 1-ից Թբիլիսիում սակագինը կկազմի 1,29 լարի/խմ՝ ներառյալ ԱԱՀ՝ 1,24 լարիի փոխարեն։

Ընկերությունը նաև նշել է, որ Tbilisi Energy-ի բնակիչ սպառողների համար սակագինը չի փոխվի և դեռ կկազմի մոտ 54 թեթրի մեկ խորանարդ մետրի համար։

---

---