Ախալցիխեում անվտանգության ոստիկանը ծեծի է ենթարկել հոր ու որդու

Հատուկ քննչական ծառայության աշխատակիցները դատարանի որոշման հիման վրա Ախալցիխեում ձերբակալել են ՆԳՆ անվտանգության ոստիկանության բաժնի տեսուչին՝ բռնության փաստերով։Քննությամբ պարզվել է, որ մեղադրյալը քաղաքացի Մ.Մ. -ին երկու անգամ ծեծի է ենթարկել, ավելի ուշ ֆիզիկական բռնության է ենթարկել տուժողի որդուն և նրա ընկերոջը։

Տարածված տեղեկատվության համաձայն՝ 2023 թվականի նոյեմբերի 17-ին Ք․ Ախալցիխեում՝ Կոստավայի փողոցում, փոխադարձ վիճաբանության հիման վրա անվտանգության ոստիկանության տեսուչ Հ.Ս.-ն ֆիզիկական բռնության է ենթարկել քաղաքացի Մ.Մ.-ին։

2023 թվականի նոյեմբերի 19-ին իրավապահ մարմինների աշխատակիցը Ախալցիխե քաղաքում գտնվող իր բնակության վայրի հարևանությամբ փոխադարձ վիճաբանության հիման վրա ֆիզիկական բռնության է ենթարկել տուժողի որդուն և նրա ընկերոջը։
2023 թվականի նոյեմբերի 27-ին անվտանգության ոստիկանության տեսուչը Ախալցիխեի թաղամասում կրկին հանդիպել է տուժող Մ. Մ.-ին և բազմիցս ծեծի ենթարկել նրան, մի քանի անգամ հարվածել նրա դեմքին և երկու ձեռքով ամուր բռնել կոկորդի հատվածում։

Հատուկ քննչական ծառայությունը տուժող քաղաքացու բողոքի հիման վրա պահանջել է հանցագործությունը հաստատող տեսախցիկի ձայնագրությունները։ Նշանակել է դատաբժշկական փորձաքննություն, որի եզրակացությամբ տուժողներից մեկի մարմնին կապտուկներ և սպիեր են եղել։ Ձեռք են բերվել նաև այլ ապացույցներ, որոնք բացահայտում են իրավապահի հանցագործությունը, ինչի հիման վրա տեսուչը ձերբակալվել է բռնության մեղադրանքով։

Հանցագործությունը պատժվում է ազատազրկմամբ՝ առավելագույնը 2 տարի ժամկետով։ Հատուկ քննչական ծառայությունը շարունակում է գործի քննությունը։ sknews.ge

---

---