Մունիցիպալիտետի բնակչության համար կարևորագույն խնդիրներից է բժշկական ապահովագրությունը
“Վրաստանի բարեփոխումների ասոցիացիա” (GRASS) ոչկառավարական կազմակերպությունը մարտի 10-ին Նինոծմինդայում “Ջավախեթիի ողջամիտ հասարակություն” կազմակերպության գրասենյակում անցկացրեց հանդիպում Նինոծմինդայի մունիցիպալիտետի գամգեոբայի և սակրեբուլոյի աշխատակիցների և ոչկառավարական կազմակերպությունների ներկայացուցիչների մասնակցությամբ:
Հանդիպման ընթացքում քննարկվեցին առողջապահության և ապահովագրության ոլորտի խնդիրները: Առաջ քաշվեցին այնպիսի ակտուալ խնդիրներ, որոնք առավել շատ են անհանգստացնում մունիցիպալիտետի բնակիչներին: Դրանցից են բժշկական ապահովագրության և մունիցիպալիտետի բնակչությանը բժշկական ծառայությունների անհասանելիության խնդիրները:
“Վրաստանի բարեփոխումների ասոցիացիա” ոչկառավարական կազմակերպության ղեկավարի տեղակալ Գիորգի Գոգուաձեն նշեց, որ բարձրացված խնդիրների մասին կտեղեկացվեն համապատասխան նախարարությունները, որոնք պատասխանատու են դրանց լուծման համար:
Մանրամասների մասին մեզ տեղեկացրեց “Վրաստանի բարեփոխումների ասոցիացիա” ոչկառավարական կազմակերպության ղեկավարի տեղակալ Գիորգի Գոգուաձեն.
Բորիս Ղարսլյան