Քութաիսիում գազի արտահոսքից հինգ մարդ է թունավորվել
Վրաստանի արեւմուտքում գտնվող Քութաիսի քաղաքում բնական գազից հինգ մարդ է թունավորվել, հայտնում է Mtavari Arkhi հեռուստաալիքը։
Հեռուստաալիքի տվյալներով՝ բոլոր թունավորվածները մի ընտանիքի անդամներ են, այդ թվում՝ մեկ երեխա։ Նրանք թունավորման նշաններ են զգացել և իրենք շտապ օգնություն են կանչել։
Տուժածները հոսպիտալացվել են։ Ներկայում նրանց վիճակը կայուն է։
Տանը, որտեղ բնակվում էր ընտանիքը, դադարեցվել էր գազամատակարարումը. Գազի ընկերության աշխատակիցները հետաքննում են արտահոսքի պատճառը:
Վրաստանում գազը ջեռուցման և ճաշ պատրաստելու ամենատարածված միջոցն է։ Միաժամանակ, բնակարանների ներսում սարքավորումները, այդ թվում՝ ջեռուցման և ջրատաքացուցիչները, տեղադրվում են հենց բնակիչների կողմից։
Opinion, pooling and voting
