Մինչև հունվարի 24-ը Վրաստանում տեղումները կպահպանվեն
Շրջակա միջավայրի ազգային գործակալությունը քաղաքացիներին զգուշացնում է սպասվող եղանակի մասին։
Ըստ կանխատեսումների՝ հունվարի 22-ի օրվա վերջից մինչև հունվարի 24-ը Արևելյան Վրաստանում սպասվում է ձյուն, տեղ-տեղ՝ առատ, մառախուղ, ճանապարհներին մերկասառույց։
«Ձյան առատ տեղումների, վատ տեսանելիության և մերկասառույցի պատճառով ավտոճանապարհների առանձին հատվածներում հնարավոր է սահմանափակվի երթևեկությունը»,- ասված է Շրջակա միջավայրի ազգային գործակալության տեղեկատվության մեջ։