Ռուսաստանը հունվարի 24-ից նվազեցնում է ցորենի արտահանման մաքսատուրքերը

Ռուսաստանում 2021 թվականի հունիսի 2-ից սկսեց գործել ցորենի, եգիպտացորենի և գարու արտահանման ճկուն մաքսատուրքը:

Ռուսաստանից ցորենի արտահանման մաքսատուրքը հունվարի 24-ից 30-ը ներառյալ կնվազի մինչև 3588,5 ռուբլի մեկ տոննայի դիմաց, գարու արտահանման մաքսատուրքը կկազմի 169,2 ռուբլի մեկ տոննայի դիմաց, եգիպտացորենի արտահանման մաքսատուրքը կկազմի մինչև 644,2 ռուբլի մեկ տոննայի դիմաց:

Հունվարի 17-ից 23-ը ներառյալ Ռուսաստանից ցորենի արտահանման մաքսատուրքը մեկ տոննայի համար կազմում է 3946,5 ռուբլի, գարու մաքսատուրքը՝ զրոյական, իսկ եգիպտացորենինը՝ 973,1 ռուբլի մեկ տոննայի դիմաց, փոխանցում է «ՌԻԱ Նովոստին»։

Տուրքերից ստացված միջոցները վերադարձվում են Ռուսաստանի Դաշնության հիմնադիր սուբյեկտներին ցորենի, տարեկանի, եգիպտացորենի և կերային գարու արտադրողներին սուբսիդավորման տեսքով: Սուբսիդիաները բաշխվում են՝ կախված արտադրության ծավալից։

---

---