Ձմեռային «հաճույքներ»՝ Նինոծմինդայի մերկասառույցով պատված փողոցները դժվարացնում են մեքենաների տեղաշարժը
Այս տարի Նինոծմինդայում դաժան ձմեռ է: Չնայած այն հանգամանքին, որ քաղաքի կենտրոնական փողոցները պարբերաբար մաքրվում են ձյունից, ճանապարհների մերկասառույցի խնդիրը քաղաքում սուր է և բարդացնում է մեքենաների տեղաշարժը։
Մեքենաները սղում են հատկապես լուսացույցների մոտ կանգնելիս : Ոչ կենտրոնական փողոցներում (Տերյան, Պուշկին, Սպանդարյան) առկա հին մերկասառույցի վրա ձյան նոր շերտ է գոյացել, որը նույնպես դժվարացնում է տեղաշարժը։
Խնդիրը վարորդներով չի սահմանափակվում՝ մայթերը մաքրված են ձյունից, բայց փողոցները՝ պատված են մերկասառույցով, և հետիոտներն ամեն քայլափոխն անում են շատ զգույշ։
Radio NOR-ը տեսանյութ է պատրաստել «առանց մեկնաբանությունների»՝ Նինոծմինդայի փողոցներում տիրող իրավիճակը ավելի մանրամասն ցույց տալու համար:
Բացի այդ, Ազատության փողոցում, Նինոծմինդայի առևտրի կենտրոնի դիմաց մեծ քանակությամբ ձյուն է կուտակվել, որն առաջանում է կանոնավոր ձնամաքրման հետևանքով ։ Վարորդներն իրենց մեքենաները կայանում են ձնակույտերի վրա կամ անմիջապես մայթերի վրա՝ դրանով իսկ փակելով ճանապարհը այն հետիոտների համար, ովքեր փողոցով քայլելիս ստիպված են լինում անցնել մայթեզրին կայանված մեքենաների կողքով։
Opinion, pooling and voting
