«European Heritage Hub»-ը մեկնարկում է փոքր դրամաշնորհների հայտամրցույթ, որը բաց է վրացական ՔՀԿ-ների համար
Արեւելյան գործընկերության Քաղաքացիական հասարակության ֆորումի (ԱլԳ ՔՀՖ) պատրաստած «Արեւելյան գործընկերության համաթիվ» զեկույցում ասվում է, որ քաղաքացիական հասարակությունը, չնայած Բելառուսում եւ Ադրբեջանում աճող մարտահրավերներին, շարունակում է լինել այն ուժը, որի հետ պետք է հաշվի նստել ԱլԳ տարածաշրջանում, եւ անվիճելի դեր է խաղում Վրաստանում, Մոլդովայում եւ Ուկրաինայում ԵՄ ընդլայնման գործընթացում։ Զեկույցում նաեւ ասվում է, որ Ռուսաստանի ներխուժումն Ուկրաինա նպաստել է ԱլԳ որոշ երկրների եւ ԵՄ-ի միջեւ տրանսպորտի, էներգետիկայի եւ առեւտրի ոլորտներում ավելի խորը ինտեգրմանը:
ԱլԳ համաթիվը ծառայում է որպես փարոս՝ գնահատելով ԱլԳ վեց երկրների առաջընթացը երեք հարթություններում՝ «Ժողովրդավարություն, լավ կառավարում եւ օրենքի գերակայություն», «Քաղաքականության մոտարկում ԵՄ-ի հետ» եւ «Կայուն զարգացման նպատակներ»: Այն ուղղված է ԵՄ եւ ԱլԳ շահագրգիռ կողմերին, քաղաքականություն մշակողներին, լրատվամիջոցներին եւ քաղաքացիական հասարակությանը:
ԱլԳ համաթիվը լոկ տվյալների հավաքագրում եւ չափում չէ: Այն հաշվի է առնում տարաբնույթ փոփոխություններ (բարեփոխումների առաջընթաց, առաջխաղացում, ժողովրդավարությունից նահանջ, քաղաքականության շեղումներ), ինչպես նաեւ լճացումն ու փոփոխության բացակայությունը։ Իր գնահատման մեջ այն ինտեգրում է համընդգրկուն խնդիրները՝ հատուկ ուշադրության արժանացնելով գենդերային հավասարության եւ մարդու իրավունքների վրա:
Ուսումնասիրության համաձայն՝ Վրաստանում իրավիճակը բնութագրվում է «բազմաթիվ ոլորտներում դեպի ներքեւ զգալի շեղումով, եթե ոչ կտրուկ անկմամբ, ինչն արտացոլում է երկրում առկա քաղաքական բեւեռացումը»: Զգալի հետընթաց է արձանագրվել ժողովրդավարական իրավունքների, ընտրությունների եւ քաղաքական բազմակարծության, կոռուպցիայի դեմ պայքարի, մարդու իրավունքների պաշտպանության մեխանիզմների, պետական հաշվետվողականության, լրատվամիջոցների անկախության, պետական կառավարման, շուկայական տնտեսության, ազատությունների, անվտանգության եւ արդարադատության, շրջակա միջավայրի եւ կլիմայի քաղաքականության ոլորտներում։ Բացառություն է կազմում հավաքների ազատության ոլորտը։
ԱլԳ յուրաքանչյուր երկրի առաջընթացը կարելի է ուսումնասիրել եւ համեմատել ԱլԳ համաթվի դինամիկ տեղեկատվական վահանակի միջոցով:
Վերջերս Վրաստանի Բոլնիս քաղաքում կայացած ֆորումով ավարտվել է ԵՄ-ի կողմից ֆինանսավորվող «Բոլնիսյան մոդել` տեղական տնտեսական զարգացման հաջող օրինակ» նախաձեռնությունը:
Իր գործունեության երկու տարիների ընթացքում նախագիծը հասել է մի շարք արդյունքների, այդ թվում՝ Բոլնիսի ագրոկենտրոնում որակի վերահսկման լաբորատորիայի ներդրումը՝ գյուղատնտեսական արտադրանքի (ինչպիսիք են հացահատիկային մշակաբույսերը, կաթը եւ գինին) ստանդարտները բարելավելու նպատակով։
Ծրագիրը նաեւ աջակցել է www.bolnisiagrocenter.ge առցանց հարթակի գործարկմանը, որը նպաստում է տեղական շուկայի զարգացմանը։ Հարթակում Բոլնիսի գյուղմթերք արտադրողները կարող են ցուցադրել իրենց արտադրանքը։ Միաժամանակ դա հեշտացնում է գնման գործընթացը Բոլնիսից գյուղատնտեսական ապրանքներ գնել ցանկացողների համար։
Ծրագրի շրջանակներում ներկայացվել է նաեւ «Կայուն եւ կանաչ քաղաք» ռազմավարությունը։ Այս նախաձեռնության շրջանակներում տեղադրվել են էներգաարդյունավետ նստարաններ, կառուցվել ժամանակակից կանգառներ, ինչը զգալիորեն բարելավել է քաղաքի ենթակառուցվածքներն ու տեսքը։
«Բոլնիսյան մոդել» ծրագրի ընդհանուր բյուջեն կազմել է 250 000 եվրո, որից 200 000 եվրոն կազմել է Եվրոպական միության տրամադրած դրամաշնորհը, իսկ 50 000 եվրոն՝ Բոլնիսի համայնքապետարանի սեփական ներդրումը։
ԵՄ ֆինանսավորումը հատկացվել է «Համայնքի ղեկավարները հանուն տնտեսական զարգացման» (ՀՀՏԶ) ծրագրի շրջանակներում, որը Արեւելյան գործընկերության համար ԵՄ կողմից ֆինանսավորվող ավելի լայն ծրագիր է եւ որի նպատակն է աջակցել համայնքային իշխանությունների կարողությունների զարգացմանը, որպեսզի նրանք կարողանան պլանավորել եւ արդյունավետ փոփոխություններ իրականացնել իրենց տարածաշրջանում:
Տեղի է ունեցել ԵՄ-Վրաստան ռազմավարական անվտանգության շուրջ երկխոսության վեցերորդ նիստը
Հունվարի 23-ին Բրյուսելում կայացել է Եվրոպական միություն-Վրաստան ռազմավարական անվտանգության շուրջ երկխոսության վեցերորդ նիստը։
Կողմերը քննարկել են անվտանգության եւ պաշտպանության ոլորտներում համագործակցության դինամիկան եւ հետագա առաջնահերթությունները՝ ներառյալ հիբրիդային սպառնալիքների նկատմամբ Վրաստանի անվտանգության դիմակայունության ամրապնդմանն աջակցությունը: Նրանք նաեւ մտքեր են փոխանակել Սեւ ծովում անվտանգության ապահովման շուրջ:
Մասնակիցները քննարկել են 2008 թվականի օգոստոսին Ռուսաստանի եւ Վրաստանի միջեւ հակամարտության հետեւանքներին եւ հակամարտությունների խաղաղ կարգավորման ջանքերի ներուժին, ներառյալ հակամարտությունից տուժած բնակչության հաշտեցմանը վերաբերող հարցեր: ԵՄ-ն եւ Վրաստանը մտքեր են փոխանակել նաեւ արտաքին քաղաքականության հարցերի շուրջ՝ ներառյալ Ուկրաինայի դեմ Ռուսաստանի ագրեսիվ պատերազմի հետեւանքները, ինչպես նաեւ իրավիճակը Հարավային Կովկասում, Մերձավոր Արեւելքում եւ ավելի լայն տարածաշրջանում։
«Տարածաշրջանային եւ գլոբալ անվտանգության շարունակվող մարտահրավերների համատեքստում հանդիպումը հաստատեց մեր վճռականությունը՝ շարունակելու անվտանգության եւ պաշտպանության բնագավառներում մեր սերտ համագործակցությունը։ ԵՄ-ն շարունակում է լիովին հավատարիմ մնալ Վրաստանում հակամարտությունների խաղաղ կարգավորմանը, մենք վճռականորեն աջակցում ենք Վրաստանի ինքնիշխանությանն ու տարածքային ամբողջականությանը։ ԵՄ-ն ցանկանում է ակտիվորեն նպաստել տարածաշրջանի բոլոր հակամարտությունների կայուն եւ համապարփակ կարգավորմանը։ Մենք ողջունում ենք Վրաստանին թեկնածու երկրի կարգավիճակ տրամադրելու վերաբերյալ Եվրոպական խորհրդի որոշումը եւ ակնկալում ենք, որ Վրաստանը՝ որպես ԵՄ անդամակցության իր ռազմավարական ընտրության արտահայտում, էլ ավելի կամրապնդի իր արտաքին քաղաքականությունը»,- նշել է ԱԵԳԾ գլխավոր քարտուղարի տեղակալ Էնրիկե Մորան, ով համանախագահում էր հանդիպումը ԵՄ կողմից:
ԵՄ-Վրաստան ռազմավարական անվտանգության շուրջ բարձր մակարդակի երկխոսությունն անցկացվում է տարին մեկ անգամ եւ ընդգրկում է արտաքին եւ անվտանգության քաղաքականության ոլորտում ընդհանուր հետաքրքրություն ներկայացնող հարցեր, այդ թվում՝ ընդհանուր անվտանգության եւ պաշտպանության քաղաքականությունը։
Վերակառուցման եւ զարգացման եվրոպական բանկն (ՎԶԵԲ) ընտրել է իր Քաղաքացիական հասարակության կազմակերպության (ՔՀԿ) առաջին ղեկավար կոմիտեն: Այն ներառում է 13 միջազգային հասարակական կազմակերպություններ (ՄՀԿ) եւ ՔՀԿ-ներ ՎԶԵԲ-ի տարբեր տարածաշրջաններից, այդ թվում՝ «Օրխիս» բնության ուսումնասիրողների Վրաստանի միությունը եւ «Թրանսփարենսի Ինթերնեշնլ Ուկրաինան»:
ՔՀԿ-ի ղեկավար կոմիտեն պատասխանատու է լինելու Բանկին ազգային եւ ոլորտային հանրային խորհրդատվություն տրամադրելու համար: Այն իր ներդրումը կունենա եւ կհամակարգի ՔՀԿ ծրագիրը ՎԶԵԲ-ի տարեկան հանդիպման եւ բիզնես ֆորումի ժամանակ, ինչպես նաեւ կընդլայնի ՎԶԵԲ-ի փոխգործակցությունը տեղական ՔՀԿ-ների հետ:
«ՎԶԵԲ-ը մեծ նշանակություն է տալիս ՔՀԿ-ների հետ իր երկխոսությանը, եւ այս առաջին ղեկավար կոմիտեի գործարկումը հետագա քայլ է դեպի սերտ համագործակցություն այն թեմաների շուրջ, որոնք կենսական նշանակություն ունեն այն տարածաշրջաններում, որտեղ մենք աշխատում ենք հանուն կայուն տնտեսական զարգացման»,- ասել է ՎԶԵԲ-ի նախագահ Օդիլ Ռենո-Բասոն:
Կոմիտեի մանդատը գործում է մինչեւ 2025 թվականի ավարտը, այդ ժամանակ կկայանա ՔՀԿ-ի հաջորդ ղեկավար կոմիտեի ընտրության գործընթացը:
Վրաստանում ԵՄ պատվիրակությանը քարտուղար է անհրաժեշտ
Վրաստանում ԵՄ պատվիրակությունն իր ղեկավարի գրասենյակում աշխատանքի է հրավիրում քարտուղարի ժամանակավոր պաշտոնակատարի։
Ընտրված թեկնածուն այս պաշտոնում իրականացնելու է օժանդակ գործառույթներ՝ վարչական աջակցություն ցուցաբերելու պատվիրակության ղեկավարի գրասենյակին ծառայության գործունեության, իսկ ավելի կոնկրետ՝ ներքին ընթացակարգերի, հաղորդակցման գործողությունների, տեղեկատվության եւ փաստաթղթաշրջանառության, հանդիպումների կազմակերպման եւ(կամ) նյութապահովման կարիքների համակարգման ուղղությամբ։
Աշխատանքի վայրը Թբիլիսին է։
Ժամանակավոր պայմանագիրը նախատեսված է 4,5 ամսով (փորձաշրջանի հաջող ավարտից հետո) եւ նախատեսված է բացակայող գործընկերոջ՝ 2024 թվականի մարտի 11-ից մինչեւ 2024 թվականի հուլիսի 31-ը նախատեսված մայրության արձակուրդի օրերը ծածկելու համար:
Հայտարարությունը բաց է Վրաստանի քաղաքացիների եւ Վրաստանում աշխատանքի եւ կացության վավեր թույլտվություն ունեցող ոչ քաղաքացիների համար։ Թեկնածուները պետք է ունենան միջնակարգ կամ բարձրագույն կրթություն եւ առնվազն երեք տարվա համապատասխան մասնագիտական փորձ: Անգլերենի իմացության C1 մակարդակը եւ վրացերենով գերազանց բանավոր եւ գրավոր հաղորդակցությունը պարտադիր են:
Դիմելու վերջնաժամկետը փետրվարի 7-ն է։
Էներգետիկ համայնքի ամառային դպրոց 2024-ի համար ընդունելությունը սկսված է
Էներգետիկ համայնքի ամառային դպրոցը հայտարարել է 2024 թվականի համար դիմումների ընդունման մեկնարկի մասին։
Այս հնարավորությունը հարմարեցված է հետբուհական ուսանողների եւ երիտասարդ մասնագետների համար, ովքեր ցանկանում են խորացնել էներգետիկ անցման վերաբերյալ իրենց պատկերացումները եւ նպաստել ոլորտի ակտիվ զարգացմանը։
Ծրագիրն ընդգրկում է էներգետիկայի հետ կապված թեմաների լայն շրջանակ: Մանրամասն տեղեկատվությունը շուտով հասանելի կլինի առցանց։
Հայաստանի, Ադրբեջանի, Վրաստանի, Մոլդովայի եւ Ուկրաինայի քաղաքացիների համար մասնակցությունն անվճար է։
Այս տարվա ամառային դպրոցը նախատեսվում է անցկացնել 2024 թվականի հուլիսի 20-27-ը Մոլդովայի տեխնիկական համալսարանում (Քիշնեւ):
Էներգետիկ համայնքի ամառային դպրոցին կարող են դիմել՝
- հետբուհական ուսանողներ. մագիստրանտներ կամ ասպիրանտներ, ովքեր ցանկանում են խորացնել էներգետիկայի հետ կապված հարցերի վերաբերյալ իրենց գիտելիքները,
- հետազոտողներ. էներգիայի հետ կապված տարբեր գիտակարգերում գործունեություն ծավալող անհատներ,
- երիտասարդ մասնագետներ. պետական հաստատություններում, ընկերություններում, վերլուծական կենտրոններում, ՀԿ-ներում եւ այլ համապատասխան էներգետիկ ոլորտներում աշխատողներ։
Դիմումների ընդունման վերջնաժամկետն է մարտի 31-ը։
2024 թվականի Էներգետիկ համայնքի ամառային դպրոցը կազմակերպել են Էներգետիկ համայնքի քարտուղարությունը՝ Վիշեգրադ հիմնադրամի, Ֆրիդրիխ Էբերտ հիմնադրամի «Dialogue Southeast Europe» նախաձեռնության (FES SOE), Պոլիսի համալսարանի (Ալբանիա) եւ Մոլդովայի տեխնիկական համալսարանի հետ համագործակցությամբ:
Բուլղարիայի Կազանլակ քաղաքում գործող «Օսվոբոժդենիյե-1884» համայնքային կենտրոնը 18-30 տարեկան երիտասարդներին հրավիրում է 2024 թվականի ապրիլի 1-ից սեպտեմբերի 30-ը մասնակցելու իր աշխատանքներին:
Կամավորությանը կարող են մասնակցել Հայաստանի, Ադրբեջանի, Վրաստանի եւ Ուկրաինայի քաղաքացիները։
Աշխատանքների մեծ մասն առնչվում է հաշմանդամություն ունեցող երեխաներին, երիտասարդներին եւ տարեցներին օգնություն ցուցաբերելուն: Դրանց մյուս մասը ենթադրում է ծանոթություն բուլղարական ավանդույթներին եւ սովորույթներին՝ տեղի բնակչության համար փառատոներ, երեխաների մասնակցությամբ միջոցառումներ, ցուցահանդեսներ եւ գործողություններ կազմակերպելու համար:
Կամավորի համար կեցությունը կլինի անվճար։ Տրանսպորտային ծախսերը կփոխհատուցվեն կամավորի Բուլղարիա ժամանելուց հետո։ Ամեն ամիս կամավորը կստանա 150 եվրո՝ գրպանի եւ 200 եվրո՝ սննդի ծախսերի համար:
Կամավորը հնարավորություն կունենա սովորել բուլղարերեն լեզու եւ բացահայտել բուլղարական բանահյուսությունը։
Այս կոչը հստակ վերջնաժամկետ չունի, բայց որքան շուտ դիմեք, այնքան մեծ կլինեն ձեր հնարավորությունները:
Եվրոպական միության կողմից համաֆինանսավորվող եւ «Եվրոպա Նոստրա»-ի գլխավորած 20 գործընկերներից բաղկացած կոնսորցիումի կողմից իրականացվող «European Heritage Hub» ծրագիրը մեկնարկել է փոքր դրամաշնորհների ծրագիր՝ աջակցելու ԵՄ հարեւանության երկրներում մշակութային ժառանգության պահպանությանն ուղղված ծրագրերին:
Ծրագրի նպատակն է զարգացնել ԵՄ հարեւանության երկրներում մշակութային ժառանգության ոլորտում գործող քաղաքացիական հասարակության՝ եվրոպական ժառանգության ավելի լայն շարժման, ինչպես նաեւ Եվրոպայի կանաչ, թվային եւ սոցիալական վերափոխման ակտիվ մասնակիցներ դառնալու կարողությունները։
Հայտամրցույթը բաց է Հայաստանը, Ադրբեջանը, Վրաստանը, Մոլդովան, Ուկրաինան եւ Արեւմտյան Բալկանների երկրները ներկայացնող ՔՀԿ-ների համար։ Ընդունել են եւ խրախոսվում են նաեւ նշված երկրները ներառող անդրսահմանային նախագծերը։
«European Heritage Hub Small Grants Scheme»-ը ճկուն ֆինանսավորման գործիք է ժառանգության նախագծերին հետեւյալ չափերի փոքր դրամաշնորհներ հատկացնելու համար.
- փոքր նախագծեր, բյուջե՝ 2000-ից 10000 եվրո,
- միջին նախագծեր, բյուջե՝ 10,000-ից 30,000 եվրո,
- խոշոր նախագծեր, բյուջե՝ 30,000-ից 50,000 եվրո:
Դիմելու վերջնաժամկետը 2024թ. մարտի 31-ն է։
Փոքր դրամաշնորհների ծրագիրը Եվրոպական միության կողմից համաֆինանսավորվող «European Heritage Hub» պիլոտային ծրագրի մաս է կազմում: Այս նախաձեռնությանն աջակցում է նաեւ ALIPH հիմնադրամը։
Եվրոպական միության կողմից ֆինանսավորվող «Ստեղծարար Եվրոպա» (Creative Europe) ծրագիրը մեկնարկել է կոչ՝ աջակցելու եվրոպական գեղարվեստական գրական ստեղծագործությունների (վեպեր, պոեզիա, կոմիքսներ եւ այլն) թարգմանությանը, առաջխաղացմանն ու տարածմանը։
5 միլիոն եվրո ընդհանուր բյուջեով սխեման կֆինանսավորի 40 նախագիծ։
Մրցույթին կարող են մասնակցել «Ստեղծարար Եվրոպա» ծրագրում ներգրավված երկրների (այդ թվում՝ Հայաստանի) հետաքրքրված կազմակերպությունները՝ որպես անհատ դիմորդ կամ որպես առնվազն երկու համապատասխան կազմակերպություններից բաղկացած կոնսորցիումի անդամ:
Դիմորդները կարող են դիմել տարբեր ծավալներ եւ վերին շեմ ունեցող նախագծերով` թարգմանված գրքերի քանակության եւ ստանալիք ֆինանսավորման համար.
- փոքր նախագծերը, որոնք առաջարկում են մինչեւ տասը տարբեր գրքերի թարգմանություն, կարող են ստանալ մինչեւ 100,000 եվրո.
- միջին նախագծերը, որոնք առաջարկում են մինչեւ 20 տարբեր գրքերի թարգմանություն, կարող են ստանալ մինչեւ 200,000 եվրո.
- խոշոր նախագծերը, որոնք առաջարկում են 21 եւ ավելի տարբեր գրքերի թարգմանություն, կարող են ստանալ մինչեւ 300,000 եվրո:
Հայտերի ներկայացման վերջնաժամկետը ս.թ. ապրիլի 16-ն է:
«10 օր» նախագիծն իրականացվում է ԵՄ Արևելյան հարևաններ ծրագրի և Լրատվական ռադիոյի հետ համատեղ:
Վրաստանում ԵՄ ֆինանսավորմամբ ծրագրերից ավելի շատ լուրերի և հնարավորությունների ծանոթանալու համար այցելեք ԵՄ Արևելյան հարևաններ ծրագրի կայք։
Opinion, pooling and voting
