Ի՞նչ առաջնահերթություններ են ընտրել Սաթխա և Մ.Արագյալ գյուղերի բնակիչները

Նինոծմինդայի մունիցիպալիտետում «Օգնություն գյուղին» ծրագրի շրջանակներում ղեկավարության հանդիպումները բնակիչների հետ արդեն ավարտվել են, ընտրվել են գյուղերի առաջնահերթությունները։

Մ.Արագյալ գյուղի բնակիչներն իրենց բնակավայրի համար մի քանի առաջնահերթ խնդիրներ են անվանել՝ ջրամատակարարում, մանկական խաղահրապարակի կառուցում, գյուղական ճանապարհների ասֆալտապատում և ծիսական տան վերանորոգում։ Սակայն բնակիչները նախընտրեցին խաղահրապարակի կառուցումը։ Նրանք նշել են, որ երեխաները խաղալու և ժամանակ անցկացնելու հնարավորություն չունեն, ուստի կարևոր է, որ այս տարի այս հարցը լուծվի։ Իհարկե, բոլոր հարցերն էլ կարևոր են, բայց խնդիրները քայլ առ քայլ լուծելն անհրաժեշտություն է։

Մ.Արագյալ գյուղի ճանապարհը.

Ինչպես նշեցին Մ.Արագյալ գյուղի բնակիչները, գյուղի համար հատկացված գումարն այնքան էլ մեծ չէ՝ հաշվի առնելով գյուղում առկա բազմաթիվ խնդիրները։ Սակայն պետք է ուշադրություն դարձնել նաև գյուղամիջյան ճանապարհներին, որոնք գտնվում են շատ անմխիթար վիճակում և գործնականում անանցանելի են։

Մ.Արագյալ գյուղի մանկապարտեզի տարածքը, որտեղ կբարեկարգվի մանկական խաղահրապարակը։

Սաթխա գյուղում նույնպես բնակիչներն արդեն ընտրել են իրենց առաջնահերթությունները։ Նրանց կարծիքով՝ ամենաակտուալ խնդիրը խմելու ջրի և գյուղական ճանապարհների խնդիրն է։

Բնակիչները նշեցին, որ լավ է, որ գյուղում աշխատանքներ են տարվում։ Այս աշխատանքը անհրաժեշտ է, քանի որ ջրի խողովակները հին են, և կան բազմաթիվ ջրի արտահոսք։

Կան փողոցներ, որտեղ ձյան հալվելուց կամ անձրևներից հետո ջուրը լցվում է ճանապարհները, ուստի կարևոր է նաև ջրահեռացման կանալների անցկացումն ու ասֆալտապատումը:

«Օգնություն գյուղին» ծրագրի շրջանակներում Սաթխա գյուղի բնակիչները 16000 լարիի դիմաց ընտրել են ջրատարների վերանորոգման և ջրահեռացման կանալների առաջնահերթությունը։

Գյուղ Սաթխա

Ինչպես մեկնաբանել են քաղաքապետարանի ենթակառուցվածքների ծառայությունից, «Օգնություն գյուղին» ծրագրի շրջանակներում իրականացված բոլոր աշխատանքները ընտրվել են հենց բնակիչների կողմից։ Այս տարի, բացի «Օգնություն գյուղին» ծրագրից, Սաթխա գյուղում կասֆալտապատվի ավելի քան 900 մետր երկարությամբ ներգյուղական ճանապարհ։ Մի շարք այլ ենթակառուցվածքային աշխատանքներ են նախատեսվում նաև այլ գյուղերում, որոնք շուտով կսկսվեն։

Նշենք, որ 2023 թվականից Մ.Արագյալ, Սաթխա, Ղաուրմա և Ջիգրաշեն գյուղերի խմելու ջրի խնդիրը լուծելու համար Շրջանային հիմնադրամից և քաղաքապետարանի բյուջեից գումար է հատկացվել նոր ջրագծերի կառուցման համար։ Աշխատանքները սկսվել են 2023 թվականին և կավարտվեն 2024 թվականին։

Հավելենք, որ «Օգնություն գյուղին» ծրագրի շրջանակներում Նինոծմինդայի քաղաքապետարանը մունիցիպալիտետի գյուղերի համար 2024թ.-ին ստացել է 444 հազար լարի։ Առաջնահերթությունները որոշելու նպատակով Նինոծմինդայի մունիցիպալիտետի ղեկավարությունը հանդիպումներ է ունեցել գյուղի բնակիչների հետ և բաշխել վերոնշյալ աշխատանքների իրականացման համար հատկացված գումարը։