Սամցխե-Ջավախքում ոստիկանին մեղադրանք է առաջադրվել կնոջը հետապնդելու համար

Ըստ Հատուկ քննչական ծառայության՝ ՆԳՆ Սամցխե-Ջավախքի ոստիկանության վարչության ավագ տեսուչին բացահայտել են կնոջ նկատմամբ հետապնդման փաստի առթիվ։ jnews.ge

Հետաքննության տվյալներով՝ 2023 թվականին մեղադրյալ Կ.Ու.-ն հետապնդել է կնոջ, ինչն արտահայտվել է մշտական հեռախոսազանգերով, տարբեր հավելվածներով հաղորդագրություններ ուղարկելով, ինչպես նաև փողոցում ապօրինաբար հետևելով։ Մեղադրյալը տուժողից նաև սիստեմատիկ կերպով անձնական հանդիպում և հաղորդակցություն է խնդրել։ Տուժած կինը բարոյական վնաս է կրել և ստիպված է եղել էապես փոխել ապրելակերպը։

Հատուկ քննչական ծառայության հաղորդագրության համաձայն՝ ձեռք են բերվել ապացույցներ, որոնք կօգնեն բացահայտել մեղադրյալին։ Դրանք ներառում են հսկող տեսախցիկների տեսագրություններ, որոնք ցույց են տալիս անցանկալի շփումները, զանգերի մասին մանրամասն տեղեկությունը և կարճ տեքստային հաղորդագրությունները, ինչպես նաև WhatsApp-ից ուղարկված հաղորդագրությունները:

Դատախազության որոշման հիման վրա ՆԳՆ Սամցխե-Ջավախքի ոստիկանության վարչության ավագ տեսուչին մեղադրանք է առաջադրվել՝ Վրաստանի ՔՕ 151-րդ հոդվածի 1-ին մասով հետապնդման համար։ Այս հանցանքը նախատեսում է մինչև 2 տարի ազատազրկում։

Հատուկ քննչական ծառայությունը շարունակում է գործի քննությունը։ Մեղադրյալը կալանավորված չէ։

---

---