Նինոծմինդայում կտեղադրվի 22 տեսախցիկ
Նինոծմինդա քաղաքում հսկողության տեսախցիկների տեղադրման մրցույթ է անցկացվել։
Վերջին շրջանում Նինոծմինդա քաղաքում տեղակայված այգիներում գույքի վնասման դեպքերը հաճախակիացել են։
Ռադիո NOR-ը բազմիցս հեռարձակել է լուրեր այն մասին, որ բնակիչները բարի կամք չեն ցուցաբերում քաղաքի նկատմամբ։ Բնակիչների անփույթ վարքագծի հարցը դեռևս պահպանվում է, և նմանատիպ դեպքեր նկատվել են քաղաքի վերջերս վերանորոգված այգիներում։
Այս խնդիրը լուծելու համար Նինոծմինդայի քաղաքապետարանը CCTV տեսախցիկների ձեռքբերման և տեղադրման էլեկտրոնային մրցույթ է հայտարարել։ Այս միջոցառումն անհրաժեշտ է քաղաքացիների անփույթ վարքագիծը կանխելու համար։ Տեսախցիկները կտեղադրվեն Հայոս Քարթլոս և քաղաքի կենտրոնական զբոսայգում, ինչպես նաև քաղաքապետարանի տարածքում։
Համաձայն մրցույթի, քաղաքապետարանը նախատեսում է ձեռք բերել 22 տեսախցիկ, ինչպես նաև լարեր, կոշտ սկավառակներ, մոնիտորներ և այլ անհրաժեշտ սարքեր։ Տեսախցիկների ձեռքբերման և տեղադրման համար տեղական բյուջեից հատկացվել է 17 հազար լարի։
Մրցույթը շահել է անհատ ձեռներեց Վրեժ Հարությունյանը 13 650 լարի գումարով, այս պահին ընթանում են պայմանագրի կնքման նախապատրաստական աշխատանքները։
Opinion, pooling and voting
