Վրաստանի նախագահը վետո կդնի «Ընտրական օրենսգրքի փոփոխությունների» վրա
Խորհրդարանական մեծամասնությունն ընդունել է Ընտրական օրենսգրքում փոփոխություններ, որոնք հակասում են Վենետիկի հանձնաժողովի և Եվրամիության 9 առաջարկություններին։ Ընդունված փոփոխություններով Կենտրոնական ընտրական հանձնաժողովի համալրման գործընթացը դարձել է ամբողջովին ֆիկտիվ և հարմարեցված միայն իշխող կուսակցության քաղաքական շահերին, ասվում է Վրաստանի նախագահի վարչակազմի տարածած հայտարարության մեջ։
Ինչպես ասվում է հայտարարության մեջ, Վրաստանի նախագահը վետո կդնի «Ընտրական օրենսգրքում փոփոխություններին», ինչպես նաև ցանկացած օրենքի, որը չի համապատասխանում երկրի եվրոպական ուղուն։
«Այսօր, երբ նոր վարչապետը Բրյուսելում է իր առաջին միջազգային այցով, և երբ երկրում գործում է միջազգային դիտորդական առաքելություն, Վրաստանի խորհրդարանը՝ իշխող մեծամասնությունը, ընդունեց Ընտրական օրենսգրքում փոփոխություններ, որոնք հակասում են և՛ Վենետիկի հանձնաժողովին, և՛ ինը ԵՄ առաջարկություններին:
Լայն կոնսենսուսով ընտրված ընտրական հանձնաժողովի ղեկավարի և անդամների փոխարեն, ընդունված փոփոխություններով ԿԸՀ-ի համալրման գործընթացը դարձավ ամբողջովին ֆիկտիվ՝ հարմարեցված իշխող կուսակցության քաղաքական շահերին։
Վտանգ կար, որ ընտրությունները կանցկացվեին միակուսակցական, կողմնակալ և վերահսկվող իշխող կուսակցության ընտրական վարչակազմի կողմից, և դա գործընթացի նկատմամբ անվստահություն կառաջացներ թե՛ հասարակության, թե՛ միջազգային հանրության շրջանում։
Ինչպես բազմիցս ասել է Վրաստանի նախագահը, նա վետո կդնի Ընտրական օրենսգրքի փոփոխությունների վրա, ինչպես նաև ցանկացած օրենքի, որը չի համապատասխանում երկրի եվրոպական ուղուն»,- ասվում է հայտարարության մեջ։
Opinion, pooling and voting
