Միասնական ազգային քննությունների գրանցումը կսկսվի մարտի 4-ից

2024 թվականի միասնական ազգային ​​քննություններին, ընդհանուր մագիստրատուրայի քննությանը, ինչպես նաև ուսանողական դրամաշնորհային մրցույթին գրանցումը կսկսվի մարտի 4-ին, ժամը` 10:00-ին և կավարտվի ապրիլի 4-ին, ժամը` 18:00-ին:

Այս թեմայի շուրջ այսօր՝ մարտի 1-ին, ճեպազրույց է ունեցել Գնահատման և քննությունների ազգային կենտրոնի տնօրեն Նինո Ծերեթելին։

«Այս տարի, ելնելով նախորդ տարիների վիճակագրությունից, մեր ակնկալիքն այն է, որ ազգային ​​միասնական քննություններին կգրանցվի առնվազն 40 հազար դիմորդ։ Դիմորդներին խորհուրդ եմ տալիս մասնակցել բաց դռների օրերին, քննական կենտրոնի մասնագետները կպատասխանեն ցանկացած հարցի։ Կենտրոնը լիովին պատրաստ է ապահովելու, որ յւորաքանչյուր դիմորդ ստանա անհրաժեշտ տեղեկատվություն»,- ասել է Նինո Ծերեթելին։

Քննական կենտրոնները կլինեն հետևյալ քաղաքներում՝ Թբիլիսիում, Ռուսթավիում, Թելավիում, Գորիում, Զուգդիդիում, Քութայիսիում, Փոթիում, Օզուրգեթիում, Բաթումում, Ախալցիխում, Խուլոյում և Ամբրոլաուրիում։

2024 թվականի միասնական ազգային ​​քննություններին, ընդհանուր մագիստրոսական քննությանը և ուսանողական դրամաշնորհային մրցույթին գրանցվելը հնարավոր կլինի մարտի 4-ից online.naec.ge կայքում։

Հիմնական փուլում՝ մինչև ապրիլի 4-ի ժամը 18:00-ն, քննվողը պետք է լրացնի անձնական տվյալները, ընտրի քննության քաղաքը և հանձնվող առարկաները։ Նշված ժամկետը լրանալուց հետո քննություններին հնարավոր չէ գրանցվել։ Քննվողները կարող են փոխել կամ ավելացնել թեմա, ինչպես նաև փոխել քննության լեզուն մինչև ապրիլի 15-ը, ժամը 18:00-ն։ Բողոքարկման արդյունքների հրապարակման հաջորդ օրվանից նրանք հնարավորություն կունենան փոփոխություններ կատարել կրթական ծրագրերի ցանկում։

---

---