Վրաստանի քաղաքացին փորձել է կես միլիոն լարիի ոսկյա զարդեր տեղափոխել
Վրաստանի քաղաքացուն մեղադրանք է առաջադրվել՝ թուրք-վրացական սահմանով ավելի քան կես միլիոն լարիի ոսկյա իրերի մաքսանենգության մեջ, ասվում է գլխավոր դատախազության հաղորդագրության մեջ։
Քննիչների տվյալներով՝ տղամարդը Սարփիի անցակետով Թուրքիայից Վրաստան մեկնող ավտոբուսով ավելի քան հինգ կիլոգրամ ոսկյա զարդեր է փորձել տեղափոխել։
Զարդերը գտնվել է ավտոբուսի առջեւի անիվների արանքում։
Այժմ ձերբակալվածին սպառնում է 5-ից 7 տարվա ազատազրկում Վրաստանի մաքսային սահմանով առանձնապես խոշոր չափերով ապրանքներ տեղափոխելու համար՝ մաքսային հսկողությունը շրջանցելով։
Դատարանի որոշմամբ տղամարդը կսպասի իր դատավճռին բանտում։
Opinion, pooling and voting
