Վրաստանում այսօր նշում են մայրերի տոնը

Վրաստանում այսօր՝ մարտի 3-ին, նշում են մայրերի տոնը: Հարկ է նշել, որ օրն ի սկզբանե ընտրվել էր՝ որպես այլընտրանք մարտի 8-ին:

Տոնի պատմությունը կապվում է Վրաստանի առաջին նախագահ Զվիադ Գամասախուրդիայի անվան հետ, ով 1991-ին այն ներկացրեց խորհրդարանի հաստատմանը: Նոր տոնը պետք է փոխարիներ կանանց միջազգային օրվան: Մարտի 8-ը Գամսախուրդիայի հրամանով չեղարկվեց:

10 տարի անց, սակայն, 2002 թվականին, մարտի 8-ը կրկին տոնի կարգավիճակ ստացավ, երբ երկրորդ նախագահ Էդուարդ Շևարդնաձեի նախագահության օրոք խորհրդարանի որոշմամբ տոնը վերականգնվեց: Նախաձեռնությունն այն ժամանակ խորհրդարանի նախագահի պաշտոնը զբաղեցնող Նինո Բուրջանաձեինն էր: Այդ օրվանից նշվում է երկու տոն՝ մարտի 3 և մարտի 8, երկուսն էլ ոչ աշխատանքային օրեր են հայտարարված:

---

---