![](https://nor.ge/am/wp-content/uploads/xy6ar.jpg.pagespeed.ic.KYEszQqEY4.jpg)
Վրաստանի Սագարեջոյի մունիցիպալիտետի գյուղերից մեկից առևանգված 13-ամյա աղջիկը հայտնաբերվել է:
Աղջկան որոնում էին 6 օր: Դեռահասին հայտնաբերելու մասին radiotavisupleba լրատվականին ասել է 13-ամյա աղջկա հայրը. տեղեկությունը հաստատել են նաև ներքին գործերի նախարարության (ՆԳՆ) մամուլի ծառայությունից։
«Ոստիկանությունն ինձ հենց նոր ասաց, որ աղջիկը հայտնաբերվել է, ես Թբիլիսիից գնում եմ Կախեթի և կպարզեմ, թե ինչպես է աղջիկս, որտեղ են նրան գտել և ինչ է եղել, ուրիշ ոչինչ չգիտեմ»,- ասել է աղջկա հայրը։
Ըստ վարկածի՝ 7-րդ դասարանի աշակերտուհուն առևանգել է 16-ամյա տղան՝ նրա հետ ամուսնանալու նպատակով։ Այս տեղեկությունը լրատվամիջոցներին հայտնի է դարձել մարտի 1-ին. այդ օրը ոստիկանությունը մի քանի ժամ հարցաքննել է 13-ամյա աղջկա ընտանիքի անդամներին։
Տեղեկությունների համաձայն, երկու դեռահասներն էլ այժմ գտնվում են տեղի ոստիկանական բաժանմունքում։ Այլ մանրամասներ այս փուլում հայտնի չեն։
Այն դպրոցի տնօրենը, որտեղ սովորել է 13-ամյա աղջիկը, ասել է, որ երեխան վերջին շաբաթների ընթացքում դասերի չի հաճախել։
ՆԳՆ-ն քրեական գործ է հարուցվել է անձին ապօրինի ազատությունից զրկելու հոդվածով։ Քրեական օրենսգրքի 143-րդ հոդվածով նախատեսված հանցագործությունը պատժվում է ազատազրկմամբ՝ նվազագույնը 2-ից 4 տարի ժամկետով։