«1+4» -ի շրջանակներում ուսանողների ֆինանսավորման ծավալը կրկնապատկվել է
«1+4» կրթական ծրագրի շրջանակներում ուսանողների ֆինանսավորման ծավալը կրկնապատկվել է
Վրաստանի կրթության, գիտության և երիտասարդության նախարար Գիորգի Ամիլախվարիի որոշմամբ 2024-2025 ուսումնական տարվանից վրացերենի պատրաստման կրթական ծրագրում (1+4) ընդգրկված ուսանողների ֆինանսավորումը պետական կրթական դրամաշնորհով կրկնապատկվել է՝ տարեկան 100 հայ և 100 ադրբեջանախոս ուսանողի փոխարեն ուսումը կֆինանսավորվի 200 հայ և 200 ադրբեջանախոս ուսանողի համար։
Վրաստանի կրթության, գիտության և երիտասարդության նախարարության հաղորդագրության համաձայն` ադրբեջաներենի և հայերենի թեստերի արդյունքներով «1+4» կրթական ծրագրում ընդգրկված ուսանողների ֆինանսավորումը կազմում է 450.000 ական լարի իսկ ֆինանսավորման չափը տարեցտարի կավելանա։
«Վրաստանի կրթության, գիտության և երիտասարդության նախարարության գլխավոր առաջնահերթություններից է էթնիկ փոքրամասնությունների ներկայացուցիչների համար կրթության հասանելիության բարձրացումը։ Այդ նպատակին է ծառայում «1+4» կրթական ծրագրի շրջանակներում ուսանողների ֆինանսավորման ծավալների կրկնապատկումը։
Ինչպես գիտեք, «1+4» կրթական ծրագիրն իրականացվում է էթնիկ փոքրամասնություն ներկայացնող դիմորդների համար հատուկ արտոնյալ քաղաքականության շրջանակներում և նրանց հնարավորություն է տալիս պարզեցված ձևով ուսումը շարունակելու բարձրագույն ուսումնական հաստատությունում եւ կատարելագործել վրացերենի իմացությունը՝ նախքան կոնկրետ կրթական ծրագիր յուրացնելը։ Մասնավորապես, ազգային փոքրամասնություններին պատկանող ուսանողները «1+4» կրթական ծրագրի շրջանակներում ցանկալի բուհում կարող են սովորել միայն իրենց մայրենի լեզվի ընդունակությունների թեստը հանձնելու հիման վրա։
Ուսանողների «1+4» կրթական ծրագիրը, գրանցման պարզեցված կանոնների հետ մեկտեղ ներառում է նաև ֆինանսավորում։ Եթե ուսանողները հաջողությամբ հանձնեն իրենց մայրենի լեզվի քննությունը, ապա նրանց ֆինանսավորվում է սովորելու վրացերենի ուսուցման ծրագրով, որից հետո նրանք նույնպես շարունակում են ուսումը նույն բարձրագույն ուսումնական հաստատությունում՝ իրենց ընտրած կրթական ծրագրով լիարժեք ֆինանսավորմամբ», – նշված է գործակալության տարածած տեղեկատվության մեջ։
Opinion, pooling and voting
