Ֆրանսիան Ռուսաստանին կխնդրի Ուկրաինայում հրադադար հաստատել Օլիմպիական խաղերի ընթացքում. Մակրոն
Ֆրանսիան Ռուսաստանին կխնդրի Ուկրաինայում հրադադար հաստատել Օլիմպիական խաղերի անցկացման ընթացքում, հայտարարել է Ֆրանսիայի նախագահ Էմանուել Մակրոնը ուկրաինական հրատարակություններին տված հարցազրույցում։ Այս մասին գրում է rbc.ru-ն:
«Այո, մենք դա (հրադադար-Խմբ.) կխնդրենք», – ասել է նա:
Մակրոնը նշել է, որ սպիտակ դրոշի ներքո Օլիմպիական խաղերում ռուսաստանցի մարզիկների ելույթները «շատ ուշադիր վերահսկվելու են», որպեսզի «մարզիկներից ոչ մեկը չօգտվի այս իրավիճակից»։
Նա բացատրել է, որ ցանկանում է լսելի դարձնել «խաղաղության և հանդուրժողականության ուղերձը» և հասնել Ուկրաինային տարածքների վերադարձի։
Նշենք, որ Փարիզի Օլիմպիական խաղերը կանցկացվեն 2024 թվականի հուլիսի 26-ից մինչև օգոստոսի 11-ը։ Դեկտեմբերին ՄՕԿ-ը հայտարարել էր ռուս և բելառուս մարզիկների՝ խաղերին բացառապես չեզոք կարգավիճակով մասնակցելու մասին․ նրանց կարգելվի իրենց երկրների հետ որևէ կապ ցույց տալ։
Opinion, pooling and voting
