Նինոծմինդայի մունիցիպալիտետը տոնում է վիզայի ազատականացումը
Մարտի 27-28-ը Նինոծմինդայի մունիցիպալիտետի կառավարական շենքի դիմաց կծածանվի Եվրոպական Միության դրոշը՝ ի նշան վիզայի ազատականացման:
Մարտի 28-ից Վրաստանի քաղաքացիները կկարողանան առանց մուտքի արտոնագրի այցելել Շենգենյան գոտու երկրներ: Կենսաչափական անձնագրեր ունեցող Վրաստանի քաղաքացիները, առանց մուտքի արտոնագրի, 180 օրից 90 օրը կարող են Շենգենյան գոտում առանց մուտքի արտոնագրի մնալ:
Առանց վիզային ռեժիմը ենթադրում է ազատ տեղաշարժում Շենգենյան գոտու տարածքում, որը ներառում է 22 անդամ, 4 ոչ անդամ և 4 թեկնածու անդամ երկիր:
Անդամ երկրներն են` Ավստրիան, Բելգիան, Գերմանիան, Դանիան, Իսպանիան, Էստոնիան, Իտալիան, Լատվիան, Լիտվան, Լյուքսեմբուրգը, Մալթան, Նիդեռլանդները, Լեհաստանը, Պորտուգալիան, Հունաստանը, Ֆրանսիան, Սլովենիան, Սլովակիան, Հունգարիան, Ֆինլադնիան, Շվեդիան և Չեխիան:
Ոչ անդամ երկրները` Իսլանդիան, Լիխտենշտեյնը, Նորվեգիան և Շվեյցարիան:
Թեկնածու երկրներն են` Բուլղարիան, Կիպրոսը, Ռումինիան և Խորվաթիան:
Բացառություն են կազմում ԵՄ 2 երկիր` Մեծ Բրիտանիան և Իռլանդիան:
90 օրից ավել մնալու դեպքում Վրաստանի քաղաքացուն կսպառնա ձերբակալում, արտաքսում Շենգենյան գոտուց, 5 տարով զրկում վիզայի ազատականացման ռեժիմից օգտվելու իրավունքից:
Վիզայի ազատականացումից օգտվելու համար Վրաստանի քաղաքացուն անհրաժեշտ է ունենալ կենսաչափական անձնագիր, ֆինանսական ապահովվածությունը հաստատող փաստաթուղթ, հետդարձի տոմս և հյուրանոցի բրոնյա: Այս նշված փաստաթղթերը քաղաքացին ներկայացնում է ոչ տե հյուպատոսությանը, այլ ներկայացնում է միանգամից սահմանը հատելուց առաջ:
Նինոծմինդայի մունիցիպալիտետում բնակիչները դրական են վերաբերում առանց վիզայի ռեժիմին:
Ովքեր կարող են օգտվել առանց վիզայի ռեժիմից, այս մասին մեզ մանրամասնություններ հաղորդեց Նինոծմինդա քաղաքի քաղաքացիական ռեեստրի ծառայության ղեկավար Սերգեյ Կարախանյանը:
Գարուշ Արզումանյան