Լևան Դավիթաշվիլի. Վրաստանը և Հայաստանը սերտ տնտեսական և քաղաքական կապեր ունեն
Վրաստանը և Հայաստանը սերտ տնտեսական և քաղաքական կապեր ունեն,- այս մասին հայկական լրատվամիջոցների հետ զրույցում, հայտարարել է Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։
Լևան Դավիթաշվիլիի խոսքով, երկու երկրների համագործակցությունն ու հարաբերությունները տեղափոխվել են ռազմավարական գործընկերության մակարդակ և, համապատասխանաբար, էլ ավելի մեծ նշանակություն է տրվում տարբեր ուղղություններով երկրների հարաբերություններին։1tv.ge
«Նախ, կարեւոր է նշել, որ վարչապետի առաջին արտասահմանյան այցերից մեկը մեր ամենամոտ հարեւան երկիր խորհրդանշական է. Վրաստանն ու Հայաստանը սերտ տնտեսական և քաղաքական կապեր ունեն: Հատկապես հատկանշական է, որ մեր համագործակցությունն ու հարաբերությունները տեղափոխվել են ռազմավարական գործընկերության մակարդակ։ Ըստ այդմ, էլ ավելի մեծ նշանակություն է տրվում տարբեր ուղղություններով երկրների հարաբերություններին։ Տնտեսական առումով Հայաստանը Վրաստանի հիմնական առեւտրային գործընկերներից է։ Այն 4-րդ խոշոր առևտրային գործընկերն է։ Հույս կա, որ այս տարի ևս կավելանա ապրանքաշրջանառությունը, որը բնութագրվել է դրական դինամիկայով։ Վրաստանը շատ կարևոր է նաև հայկական բեռների տարանցման առումով և շատ կարևոր է նաև որպես տուրիստական շուկա։ Հայաստանը Վրաստանի համար կարևորագույն տուրիստական շուկաներից մեկն է։ Վրաստանը սիրված ուղղություն է հայ այցելուների շրջանում, և այդ կապերը, իհարկե, դեռ կշարունակվեն, մեր երկրների միջև դինամիկան էլ ավելի կաճի՝ հաշվի առնելով տնտեսական համագործակցությունը տարբեր ուղղություններով»,- նշել է փոխվարչապետը։
Opinion, pooling and voting
