Նիկոլ Փաշինյան. Վրաստանը շահագրգռված է ոչ միայն Հայաստան-Ադրբեջան հարաբերությունների կարգավորմամբ
Հունվարի 6-ից հետո, երբ տեղի ունեցավ միջկառավարական կոմիտեի տասներեքերորդ նիստը, ստորագրեցինք հռչակագիր՝ այնպիսի հավակնոտ ծրագրերի իրականացման համար, որոնք նախատեսում են երկկողմ համագործակցության զարգացում: Այժմ հնարավորություն ունեմ տեսնելու իրականացման այն ուղիները, որոնք անհրաժեշտ են այն հռչակագրի իրականացման համար»,- այս մասին Հայաստանի վարչապետ Նիկոլ Փաշինյանը հայտարարել է Վրաստանի վարչապետ Իրակլի Կոբախիձեի հետ համատեղ ճեպազրույցի ժամանակ:
Նիկոլ Փաշինյանի խոսքով՝ Հայաստանը միշտ աջակցել է Վրաստանի եվրաինտեգրմանը:
«Շատ կարեւոր է, որ ճանաչվեն երկու երկրների ինքնիշխանությունն ու տարածքային ամբողջականությունը։ Խոսեցինք նաև ավելի ակտիվ համագործակցություն ունենալու մասին։ Սա ոչ միայն ռազմավարական նշանակություն ունի, այլև մեր երկկողմ հարաբերությունները կայունության և փոխըմբռնման վրա հիմնված համագործակցություն է։ Անցյալ տարի Վրաստանը ստացել է Եվրամիության անդամի թեկնածուի կարգավիճակ, և ես ողջունում եմ այս փաստը։ Սա շատ կարևոր իրադարձություն է, քանի որ այն իր ազդեցությունն ունի ոչ միայն մեր տարածաշրջանի, այլ նաև մեր երկկողմ հարաբերությունների վրա»,- ասել է Փաշինյանը։
Բացի այդ, ըստ Փաշինյանի, Իրակլի Կոբախիձեին այսօր ներկայացվել են Հայաստանի և Ադրբեջանի միջև հարաբերությունների կարգավորման հետ կապված գործընթացներն ու կարծիքները։
«Մենք ևս մեկ անգամ հաստատել ենք, որ Հայաստանը պատրաստ է ամեն ինչ անել հանուն խաղաղության և կայունության և այս ուղղությամբ կրել մեր պատասխանատվությունը։ Նման վերաբերմունք ենք ակնկալում նաեւ մյուս կողմից։ Ուզում եմ ընդգծել, որ մենք կարևոր քայլ ենք անում Ադրբեջանի հետ հարաբերությունների բարելավման ուղղությամբ։ Մենք պայմանավորվեցինք, որ ամենաբարձր մակարդակով մենք առաջնորդվելու ենք երեք սկզբունքներով՝ հիմնված 1994 թվականի հռչակագրի վրա, որը ճանաչում է երկու երկրների տարածքային ամբողջականությունն ու ինքնիշխանությունը։ Հարաբերությունները պետք է կարգավորվեն երկու երկրների միջև փոխադարձ հարգանքի հիման վրա: Մենք հավատում ենք, որ խաղաղությունը և այս նախագիծը, որը մենք առաջարկում ենք հարևան երկրին, կդառնան Ադրբեջանի հետ ռազմավարական հարաբերություններ կազմակերպելու համար ապագա համագործակցության մեկնարկային կետը։ Վրաստանը շահագրգռված է ոչ միայն մեր հարաբերությունների կարգավորմամբ, այլ նաև գործնականում փորձում է նպաստել մեր և Ադրբեջանի միջև հարաբերությունների կարգավորմանը»,- ասել է Փաշինյանը։
Բացի այդ, ըստ Փաշինյանի, Հայաստանը գոհ է Վրաստանի հետ իր հարաբերություններից:
«Պարոն վարչապետ, ամփոփելով ասեմ, որ շատ գոհ եմ մեր հարաբերություններից, որոնք դինամիկ զարգանում են, և ուզում եմ ձեզ տեղեկացնել, որ կանենք հնարավորը եղածով չբավարարվելու համար, և հուսով եմ նոր հորիզոններ կբացենք մեր հարաբերություններում»,- ասել է Հայաստանի վարչապետը։1tv.ge