Հայաստանում Վրաստանի դեսպանությունը նոր շենք ունի
Վրաստանի և Հայաստանի վարչապետները մասնակցել են Հայաստանի Հանրապետությունում Վրաստանի դեսպանության նոր շենքի բացման արարողությանը։
Վրաստանի վարչապետ Իրակլի Կոբախիձեին և ՀՀ վարչապետ Նիկոլ Փաշինյանին հյուրընկալել է Հայաստանի Հանրապետությունում Վրաստանի արտակարգ և լիազոր դեսպան Գիորգի Շարվաշիձեն։
«Վրացական կողմը շենքը գնել է 2024 թվականին։ Առաջին անգամ երկիրն ունի Հայաստանի Հանրապետությունում դեսպանություն, որի շենքը պատկանում է Վրաստանին։ Այն գտնվում է քաղաքի կենտրոնական մասում, որտեղ տեղակայված են դիվանագիտական այլ ներկայացուցչությունների գրասենյակները և ներառում է քաղաքացիների ընդունելությունը. գրասենյակ, կոնֆերանսի տարածքներ:
Շենքի նախագծման ժամանակ հաշվի են առնվել էթնիկ և մշակութային տարրերը: Հայաստանի Հանրապետությունում Վրաստանի դեսպանատան նոր շենքը Վրաստանին պատկանող 15-րդ մասնաշենքն է»,- նշված է Վրաստանի կառավարության հաղորդագրության մեջ:
Ի դեպ, այսօր՝ մարտի 25-ին Վրաստանի վարչապետի գլխավորած պատվիրակությունը ժամանել է ՀՀ: Երկու երկրների վարչապետները դեմ առ դեմ հանդիպում են ունեցել, որից հետո համատեղ ասուլիս են ունեցել:
ՀՀ վարչապետի հայտարարությունը՝ այստեղ: Վրաստանի վարչապետի հայտարարությունը՝ այստեղ:aliq.ge
Opinion, pooling and voting
