Նինոծմինդայի մունիցիպալ բյուջեն մասնակի փոփոխվել է

Այսօր՝ մարտի 29 -ին, Նինոծմինդայի մունիցիպալիտետի սակրեբուլոյի նիստերի դահլիճում կայացավ հերթական նիստը։

Նիստի օրակարգում քննարկվեց երկու հարց․

«Նինոծմինդայի մունիցիպալիտետի 2024 թվականի բյուջեի հաստատման մասին»․ Նինոծմինդայի մունիցիպալիտետի ավագանու 2023 թվականի դեկտեմբերի 25 -ի №18 որոշման մեջ փոփոխություններ մտցնելու վերաբերյալ։

Նինոծմինդայի մունիցիպալիտետի սեփականությունում գրանցված, էլեկտրոնային աճուրդի ձևով վերցված գույքի, քաղաք Նինոծմինդայում, Բաղրամյան փ․ №6 -ում գտնվող շենք-շինության ապամոնտաժման համար սահմանված նախնական վճարի նվազեցման վերաբերյալ։

Սակրեբուլոյի նախագահ Վահան Արոյանը NOR -ի հետ զրույցում ասաց․ «Այսօրվա նիստի ընթացքում քննարկվեց երկու հարց, որոնցից մեկն էլ Նինոծմինդա քաղաքի Բաղրամյան փողոցի №6 -ում գտնվող շինության ապամոնտաժումն էր։ Այս պահին այն դրվել է աճուրդի, որի սկզբնական գումարը սահմանվել է 7700 լարի։ Ասեմ, որ ապամոնտաժումը բարեհաջող ավարտելուց հետո այդ նույն տարածքում կկառուցվի ժամանակակից մանկապարտեզ»։

Մանրամասները՝ ձայնագրությունում․