![](https://s0.rbk.ru/v6_top_pics/media/img/8/63/755439163329638.jpeg)
Թուրքիայի նախագահ Ռեջեփ Թայիփ Էրդողանը վավերացրել է Բաքու-Թբիլիսի-Կարս երկաթուղու նախագծի շրջանակներում մաքսային տարանցման աշխատանքները հեշտացնելու նպատակով Թուրքիայի, Ադրբեջանի և Վրաստանի կառավարությունների միջև տվյալների նախնական փոխանակման մասին համաձայնագիրը։
Համաձայնագիրը ստորագրվել է 2022 թվականի օգոստոսի 18-ին Բաքվում, իսկ վավերացման որոշումը հրապարակվել է Resmi Gazete պաշտոնական տեղեկագրում։
Փաստաթուղթը վերաբերում է նախնական տվյալների էլեկտրոնային փոխանակմանը` այս երեք երկրների տարածքով անցնող Բաքու-Թբիլիսի-Կարս երկաթուղով տարանցիկ առաքվող ապրանքների մաքսային ընթացակարգերը հեշտացնելու նպատակով: