Նինոծմինդայի մունիցիպալիտետում մեկնարկել է գարնանային ցանքսը
Նինոծմինդայի մունիցիպալիտետում արդեն մեկնարկել է գարնանային հացահատիկային կուլտուրաներից՝ հիմնականում գարու ցանքսը:
Յուրաքանչյուր բնակիչ վարուցանքսը կատարում է իր հնարավորությունների սահմաններում, նրանցից ոմանք ձեռքով, իսկ ոմանք էլ՝ տրակտորով:
Շատերի համար հացահատիկի մշակումը հանդիսանում է եկամտի աղբյուր, իսկ ոմանք էլ ցանում են ընդամենը մի քանի ար տարածք` տնային պայմաններում օգտագործելու համար:
Ղաուրմա գյուղի բնակիչներից մեկը NOR ռադիոկայանի հետ զրույցում ասաց. «Արդեն սկսել ենք գարու և վարսակի ցանքսը: Գարի ցանելը մեր գյուղում 1 արը արժե 1,50 լարի: Սերմացուն չենք գնել, քանի որ աշնանը գարին հնձում ու պահում ենք գարնանացանի համար: Այս տարի ձյունը շատ էր, հալվելուց էլ շուտ ներծծվում է հողի մեջ, իմ կարծիքով այս տարի լավ բերք կստանանք»։
Մանրամասները՝ ձայնագրությունում.
Գների հետ կապված խոսեցինք նաև տեխնիկաների վարորդների հետ։ Նրանց խոսքով՝ եթե ձեռքով են ցանում գարին իսկ տեխնիկայով էլ հարթեցնում, ապա դա արժե 1 լարի։ Իսկ հերկելը 1 արը արժե 3 լարի։
Կարդացեք նաև՝
Opinion, pooling and voting
