«Մանկապարտեզ չեն կառուցել, գոնե տրանսպորտ հատկացնեն». Սուր խնդիր գյուղերում
Թորիան Նինոծմինդայի մունիցիպալիտետի այն գյուղերի ցանկում է, որտեղ դեռևս մանկապարտեզ չկա։ Նույն ցանկում են Փոքր Գոնդուրա, Մամզարա, Փոքր Արագյալ, Սամեբա, Ուչմանա, Ղաուրմա և այլ գյուղեր։
Թորիայում մանկապարտեզի բացակայության պատճառով բնակիչներն իրենց երեխաներին տանում են մոտ 2-3 կիլոմետր հեռավորության վրա գտնվող հարեւան Հեշտիա գյուղի մանկապարտեզ։ Հաշվի առնելով, որ Նինոծմինդայի մունիցիպալիտետում երեխաների համար տրանսպորտ չկա, այն գյուղերում, որտեղ մանկապարտեզ չկա, ծնողները ստիպված են իրենց ուժերով երեխաներին տեղափոխել այլ գյուղի մանկապարտեզ։
Գյուղ Թորիա
Այս գործընթացը կապված է բազմաթիվ դժվարությունների հետ՝ ճանապարհի համար ծախսվում է փող, վառելիք եւ ծնողները չեն կարողանում կատարելապես կատարել տնային գործերը։
Նշենք, որ Թորիացիներին անհանգստացնում է ոչ միայն տրանսպորտի բացակայությունը, այլեւ մանկապարտեզի բացակայությունը։ Հարցվածների կարծիքով՝ ավելի լավ է մանկապարտեզ կառուցեն, քան տրանսպորտ լինի, թեպետ այլ մեկնաբանություն ևս հնչեց՝ «Մանկապարտեզ չկառուցեցին, բայց գոնե տրանսպորտ հատկացնեն։ Համաձայն եմ»,- ասում է Սերոբ Պետրոսյանը։
Երեխան սովորում է հեծանիվ վարել
Ըստ քաղաքապետի հասարակայնության հետ կապերի ծառայության՝ Նինոծմինդայի մունիցիպալիտետի քաղաքապետ Անիվարդ Մոսոյանի հետ այս թեմայով առերես հանդիպումը և/կամ հարցազրույցը չի ստացվի՝ «քաղաքապետի զբաղվածության պատճառով»։
Ապրիլի 8-ին NOR ռադիոկայանի խմբագրությունը պաշտոնական գրությամբ դիմել է քաղաքապետարան և խնդրել հանրային տեղեկատվություն.
Հանրային տեղեկատվության հարցման պատասխան.
«Ի պատասխան Ձեր դիմումի ցանկանում ենք տեղեկացնել, որ այս փուլում մուիցիպալիտետը մշակում է նոր մանկապարտեզների կառուցման և առկա մանկապարտեզների ենթակառուցվածքների (խոհանոց և այլն) կառուցման ծրագրեր: Մանկապարտեզի ենթակառուցվածքն ամբողջությամբ կարգավորելուց հետո մենք կսկսենք երեխաների տեղափոխման խնդիրների լուծումը»,-ասված է պատասխանի մեջ:
Ըստ Հշտիայի գյուղական համայնքի ներկայացուցիչ Եգոր Քոթոյանի, տրանսպորտի հարցը քննարկվել է քաղաքապետ Անիվարդ Մոսոյանի, նրա տեղակալների և ավագանու նախագահի հետ։ Եթե տրանսպորտը պետք է հատկացվի, ապա այն պետք է հատկացվի միաժամանակ բոլոր անհրաժեշտ գյուղերում։ Սրան զուգահեռ Հեշտիա գյուղում նոր մանկապարտեզ պետք է կառուցվի, քանի որ այն համայնքի կենտրոնն է։
Հեշտիա գյուղում նոր մանկապարտեզ պետք է կառուցվի
Թորիացի երեխաները
Տրանսպորտի հատկացման խնդրի շուրջ զրուցեցինք նաեւ «Երիտասարդությունը հանուն ժողովրդավարական փոփոխությունների» կազմակերպության հիմնադիր Տիգրան Թարզյանի հետ։ Նա պատմում է, որ Ախալքալաքի մունիցիպալիտետում արդեն ներդրվել է մունիցիպալ տրանսպորտ՝ երեխաներին այլ գյուղերի մանկապարտեզներ տեղափոխելու համար (օրինակ՝ Բալխոյից Բարալեթի)։
Տիգրանին ասում է նաև, որ կազմակերպությունը ցանկացել է հանդիպել Նինոծմինդայի քաղաքապետի հետ՝ քննարկելու այս հարցերը։ Սակայն 2 ամիս է նրա կամ այլ լիազորված անձի հետ հնարավոր չի եղել հանդիպել, իսկ դիմումներին ստացել են միայն մի պատասխան։ Ստացված պատասխանի համաձայն՝ կազմակերպության անդամները վերահղվել են մշակույթի և կրթության բաժին, որտեղից ապրիլի սկզբից սպասում են հանդիպման օրվա նշանակմանը։
Թորիացի երեխաները ֆուտբոլ են խաղում
Նշենք, որ Նինոծմինդայի մունիցիպալիտետում գործում է 17 մանկապարտեզ 2-ը՝ Նինոծմինդա քաղաքում, մնացածը՝ տարբեր գյուղերում։ «Միացյալ մանկապարտեզների» տնօրեն Ամալյա Մղդեսյանի խոսքով, 2024 թվականին 11 մանկապարտեզում կլինի լիարժեք աշխատանքային ռեժիմ, այսինքն՝ երեքանգամյա սնունդ։ Իսկ մնացած մանկապարտեզներում՝ նոր տարածք պետք է կառուցվի, որից հետո նույնպես կանցնեն լիարժեք աշխատանքային ռեժիմի։ Հավելենք նաեւ, որ Նինոծմինդայի Ճոճաշեն թաղամասի հին մանկապարտեզի շենքն այս պահին հիմնովին ապամոնտաժվում է։
Համաձայն «Երեխաների իրավունքների օրենսգրքի» ազգային օրենսդրության՝ յուրաքանչյուր երեխա ունի որակյալ կրթություն ստանալու իրավունք։ Պետությունը պետք է բոլոր երեխաների համար ապահովի որակյալ վաղ, նախադպրոցական, ընդհանուր, մասնագիտական և բարձրագույն կրթության հավասար հասանելիություն՝ ներդնելով կրթության ներառական համակարգ և ներդաշնակեցնելով երկրի կրթական համակարգը միջազգային կրթական չափանիշներին։
Նաև «Վաղ և նախադպրոցական կրթության և կրթության մասին» օրենքի 4-րդ հոդվածի 3-րդ կետի համաձայն՝ մունիցիպալիտետը պարտավոր է երեխաներին ներդնել և ապահովել նախադպրոցական կրթության և կրթության, այդ թվում՝ դպրոցական պատրաստության ծրագրի ապահովումը` համաձայն ս.թ. Վրաստանի օրենսդրությունը (ներառյալ սույն օրենքը և կառավարության նորմատիվ ակտերը):
Opinion, pooling and voting
