Նինոծմինդայի հիվանդանոցը նոր տնօրեն ունի. նա պատրաստվում է նոր կադրեր ընդունել
Նինոծմինդայի կլինիկայի նոր տնօրեն Կախա Բերիձեն ծագումով Ասպինձայից է։ Նա ծնվել է Ասպինձա քաղաքում 1971 թվականին և մեծացել այնտեղ։ 1988 թվականին ավարտել է Ասպինձայի միջնակարգ դպրոցը, 1989 թվականին ընդունվել է «Թբիլիսիի պետական համալսարան», որն ավարտել է 1996 թվականին։ Համալսարանն ավարտելուց հետո աշխատել է առողջապահության ոլորտում, տարբեր պաշտոններում։ Եղել է Սամցխե-Ջավախքի սոցիալական ապահովագրության միասնական հիմնադրամի ղեկավարը։
Աշխատել է նաև Սամցխե-Ջավախքի տարածաշրջանային և Ախալցխայի մունիցիպալ ծառայություններում։ 2008 թվականից մինչև 2012 թվականը ապահովագրական ընկերություն (Իմեդիելում)։ 2012 թվականին տեղափոխվել է Թբիլիսիի քաղցկեղի հետազոտական կենտրոն (Աբելոֆ) կլինիկա։ Մինչ Նինոծմինդա տեղափոխվելը նա աշխատել է Բաթումիի բժշկական կենտրոնում, եղել է նաև Խոնի հոգեբուժարանի բժշկական տնօրենը։ Ապա Աբասթումանում բացում է փոքրիկ ամբուլատորիա։ «Մտածեցի, որ տուն կվերադառնամ»,- ասում է պարոն Կախան։
Կլինիկայի նոր տնօրեն Կախա Բերիձեն պատրաստվում է նոր կադրեր ներգրավել, «սակայն, նոր անձնակազմը չի նշանակում, որ հին անձնակազմը կմնա առանց աշխատանքի»,- ասում է Նինոծմինդայի կլինիկայի նոր տնօրենը։
Նրա խոսքով՝ «Իմ մեծ մտահոգությունն է», որ բնակչությունը ստիպված է գնալ այլ տեղ՝ տարբեր բժշկական ծառայություններ ստանալու համար։ Նա պատրաստվում է ներդնել այն բժշկական ծառայությունները, որոնցից մինչ այժմ տեղի բնակչությունը չի կարող օգտվել Նինոծմինդայի կլինիկայում։
Ավելին Նինոծմինդայի հիվանդանոցի ղեկավար Կախա Բերիձեի հետ մեր աուդիո նյութում.
Opinion, pooling and voting
