Նինոծմինդայի կենտրոնական այգում տեղադրվել են տեսախցիկներ
Նինոծմինդայի կենտրոնական զբոսայգում հաճախակի են լինում քաղաքացիների անփույթ վարքագծի դեպքեր՝ վնասում են նստարաններ, կոտրում զուգարանի պատուհանները, դռները, մանկական ատրակցիոնները, էլեկտրական վահանակները և այլն։ Նման դեպքերը հաճախ լուսաբանվում են Ռադիո NOR-ի կողմից:
Նինոծմինդայի բնակիչները բազմիցս նշել են Կենտրոնական այգում տեսահսկման տեսախցիկների տեղադրման անհրաժեշտությունը՝ բնակիչների անբարեխիղճ ու անփույթ վերաբերմունքը վերջնականապես վերացնելու համար։
Նշենք, որ տեսախցիկների տեղադրման մրցույթը հայտարարվել է 2023 թվականին՝ դեկտեմբերի 19-ին, մրցույթը շահել է Ի/Պ Վրեժ Հարությունյանը՝ 13600 լարի առաջարկով։ Ներկայումս Նինոծմինդայի քաղաքապետարանում տեղադրված են տեսախցիկներ, իսկ Նինոծմինդայի կենտրոնական այգում՝ 12 տեսախցիկներ։
Opinion, pooling and voting
