Քաղահասարակությանը աջակցություն, կառավարությանը պատժամիջոցներ. Սենատորների օրինագիծ
Ամերիկացի սենատորներ՝ դեմոկրատ Ջին Շահինը և հանրապետական Ջիմ Ռիշը օրինագիծ են ներկայացրել, որը պատժամիջոցներ է սահմանում Վրաստանի իշխող կուսակցության ներկայացուցիչների նկատմամբ և քաղաքացիական հասարակությանը տրամադրում է առնվազն 50 միլիոն դոլար։
Օրինագծի անվանումն է՝ «Վրաց ժողովրդի ակտ»։
Ինչպես նշվում է Շահինիի և Ռիշիի նախագծում, եթե այն ընդունվի, պատժամիջոցներ կկիրառվեն այն անձանց նկատմամբ, ովքեր փակել են Վրաստանի եվրաինտեգրման ճանապարհը։ Օրինագիծը նախատեսում է պատժամիջոցներ կիրառել նրանց նկատմամբ, ովքեր աջակցել են ռուսական օրենքի առաջխաղացմանն ու ընդունմանը, ինչպես նաև այդ մարդկանց ընտանիքի անդամներին։ Նաև պատժամիջոցների թիրախ են դառնալու նրանք, ովքեր խարխլել են երկրի ինքնիշխանությունը և ոտնահարել մարդու իրավունքները։
Եթե օրենքի նախագիծն ընդունվի, ԱՄՆ-ը կարող է դադարեցնել ռազմական և նյութական օգնությունը Վրաստանին, և երկու երկրների միջև ռազմավարական երկխոսությունը կդադարեցվի։
Ի պատասխան պետական պաշտոնյաների նկատմամբ սահմանափակումների՝ օրինագծի երկրորդ մասը վերաբերում է Վրաստանում քաղաքացիական հասարակությանը օգնությանը, ժողովրդավարության պաշտպանությանը և օրենքի գերակայությանը, ինչի համար կհատկացվի առնվազն 50 մլն դոլար։ Բացի այդ, ըստ օրենքի նախագծի, պետք է պատրաստվի երկու զեկույց, որոնցից մեկը կվերաբերի Վրաստանում օտարերկրյա վնասակար ազդեցություններին, իսկ մյուսը՝ քաղբանտարկյալների խնդրին։
Ներկայացնում ենք օրինագծի տեքստը.
«Վրաց ժողովրդի ակտ»
Անցյալ տարի, երբ Վրաստանի կառավարությունն առաջին անգամ նախաձեռնեց օտարերկրյա գործակալների մասին օրենքի նախագիծը, երկրում բողոքի զանգվածային ցույցեր անցկացվեցին։ Թեև կառավարությունն ի վերջո հետ կանչեց օրինագիծը՝ ի պատասխան հանրային ընդվզման, անցյալ ամիս նրանք կրկին ներկայացրին օրինագծի նմանատիպ տարբերակը, որն ընդունվեց խորհրդարանի կողմից մայիսի 14-ին: Հերթական անգամ զանգվածային խաղաղ ցույցեր են անցկացվել օրենքի և երկրի՝ եվրոպական կուրսից հեռանալու դեմ։ Օտարերկրյա գործակալների մասին օրինագիծը, որն օրենք դառնալու ճանապարհին է, նման է 2012 թվականին Ռուսաստանի ընդունած օրենսդրությանը, որը խարխլում է Կրեմլի դեմոկրատական ընդդիմությանը:
ԱՄՆ-ի սենատոր Ջին Շահինի և սենատոր Ջիմ Ռիշի կողմից նախաձեռնված «Վրաց ժողովրդի ակտը» (GPA) իրավասությունների շրջանակ կստեղծի կոռուպցիայի, մարդու իրավունքների ոտնահարման և «Օտարերկրյա գործակալների մասին» օրենքի առաջխաղացման կամ ընդունման մեջ մեղավոր ճանաչված վրացիներին քրեական պատասխանատվության ենթարկելու համար: Օրինագիծը նաև ցույց է տալիս ԱՄՆ-ի շարունակական աջակցությունը վրաց ժողովրդին, որի ճնշող մեծամասնությունը պաշտպանում է եվրոատլանտյան ապագան:
Օրինագիծը երկու ուղղություն ունի
Առաջին.
Այն կընդգծի վրացական կառավարության ներկայացուցիչների և Վրաստանի եվրաատլանտյան ինտեգրման արգելափակման համար պատասխանատու անձանց վրա դրված հետևանքները, մասնավորապես.
- Պետքարտուղարությանը խնդրանք՝ վիզային սահմանափակումներ մտցնել վրացի անձանց և նրանց ընտանիքների անդամների համար, ովքեր ներգրավված են եղել <<Օտարերկրյա գործակալների>> մասին օրենքի առաջխաղացման և աջակցելու մեջ.
- Վրաստանի կայունությունը, ինքնիշխանությունը կամ տարածքային ամբողջականությունը խաթարելու համար պատասխանատու անձանց նկատմամբ նոր պատժամիջոցներ սահմանելու լիազորություն.
- Վրացի անձինք, ովքեր պատասխանատու են մարդու իրավունքների ոտնահարման և կոռուպցիայի համար, պատժամիջոց կիրառել նրանց նկատմամբ.
- Այն պահանջում է Պետքարտուղարությունից երկարաժամկետ ռազմավարություն մշակել Վրաստանի համար, ներառյալ ռազմական օգնության վերանայումը և Վրաստանի կառավարությանը Միացյալ Նահանգների կողմից տրամադրվող նյութական օգնության ամբողջ ֆինանսավորումը կասեցնելու խնդրանքը:
- ԱՄՆ-Վրաստան ռազմավարական երկխոսության մշտական դադարեցում։
Երկրորդ.
- Ընդգծում է ԱՄՆ Սենատի հանձնառությունը՝ աջակցելու վրացական քաղաքացիական հասարակությանը ընթացիկ իրադարձությունների լույսի ներքո.
- Առնվազն 50 միլիոն դոլար է հատկացնում Վրաստանում ժողովրդավարության և օրենքի գերակայության պաշտպանության համար.
- Պետդեպարտամենտին և ԱՄՆ Միջազգային զարգացման գործակալությանը (խմբ. ԱՄՆ ՄԶԳ) խնդրում ենք որոշել, թե ինչ ձևով է լավագույնս օգնություն ցուցաբերել Վրաստանի քաղաքացիական հասարակությանը՝ ընթացիկ իրադարձությունների լույսի ներքո:
- Ներառում է երկու զեկույց՝ (1) գնահատելու Վրաստանում օտարերկրյա վնասակար ազդեցության չափը և (2) վրացի քաղբանտարկյալներին աջակցելու ջանքերը:
Opinion, pooling and voting
