Ամուսինը մուրճով կոտրել է կնոջ գանգն ու ոսկորները. դաժան սպանություն Սամեգրելոյում

Զուգդիդիի Կորցխել գյուղում սարսափելի սպանություն է տեղի ունեցել. Ամուսինը դաժան խոշտանգումներով սպանել է կնոջը. Սպանված կինը Ֆաթի Կուդավան է։ Դեպքը տեղի է ունեցել երեկ երեկոյան։ Ըստ առկա տեղեկությունների՝ սպանվել է մինչև 50 տարեկան մի կին, որի սպանության մեջ մեղադրվողը 61-ամյա ամուսինն է։

Ըստ առկա տեղեկությունների՝ կինը վնասվածքներ է ստացել բութ առարկայից։

Ներքին գործերի նախարարության կողմից անցկացված հետաքննությունը պարզել է, որ մայիսի 23-ին Զուգդիդիում մեղադրյալը մուրճով վնասել է կնոջը գլխի և մարմնի տարբեր մասերում՝ սեռային խտրականության պատճառաբանությամբ։ Շտապօգնության մեքենան կնոջը տեղափոխել է կլինիկա, սակայն նրան փրկել չի հաջողվել։ Ստացած վնասվածքների հետեւանքով տուժածը հիվանդանոցում մահացել է։

Դին փորձաքննության է տեղափոխվել Քութաիսի։

Նշվում է, որ սպանության պատճառը ընտանեկան կոնֆլիկտն է։ Այլ մանրամասներ այս պահին հայտնի չեն։

Իրավապահները մեղադրյալին ձերբակալել են մայիսի 24-ին։ Նրան մեղադրանք է առաջադրվել Վրաստանի քրեական օրենսգրքի 11-րդ պրիմա 109-րդ հոդվածի «ը», «կ» և «մ» ենթաբաժիններով (ընտանիքի անդամի կողմից ընտանիքի մեկ այլ անդամի դիտավորությամբ սպանություն, սեռով պայմանավորված, առանձնակի դաժանությամբ), որը. պատժի ձևը և չափը` 16-ից մինչև 20 տարի կամ ցմահ ազատազրկում:

---

---