Մունիցիպալիտետի ճանապարհներին փոսերը վերանորոգվում են / ֆոտո և տեսանյութ

Նինոծմինդայի մունիցիպալիտետում փոսերի հարթեցման աշխատանքներ են ընթանում։ Նինոծմինդա քաղաքի կենտրոնական ճանապարհը, որը տանում է դեպի Հայաստանի հետ սահման, ենթակա է վերականգնման։ Այս ճանապարհը կառավարվում է ճանապարհային վարչության կողմից։

Մայիսի 30-ին Նինոծմինդա-Օրլովկա ճանապարհին միջադեպ էր տեղի ունեցել: Այն բանից հետո, երբ «Ռադիո NOR»-ը լուսաբանեց այդ լուրը, նույն օրը երեկոյան ճանապարհի հատվածի փոսը լցվեց։ Radio NOR-ի փոխանցմամբ՝ աշխատանքներն իրականացրել է Արալի ընկերությունը։ Ճանապարհի Սաթխա խաչմերուկից դեպի Հայաստանի սահման ընկած հատվածում թե՛ մեծ, թե՛ փոքր տրամագծով փոսեր են լցվել։

Փոսալցման աշխատանքներ են իրականացվում նաև Նինոծմինդա քաղաքի փողոցներում։ Այդ աշխատանքներն իրականացվում են Նինոծմինդայի մունիցիպալիտետի քաղաքապետարանի պատվերով։

Քաղաքի տարբեր փողոցներում, որտեղ ասֆալտը վնասված է, «Ջավախավտոգզա» ընկերությունն աստիճանաբար փոսային վերանորոգում է իրականացնում։ Նշենք, որ բացի կարկատման աշխատանքներից, Տերյան փողոցում՝ Երևանյան փողոցի հետ խաչմերուկից մինչև Պուշկին փողոցի խաչմերուկ հասնելը, ասֆալտի նոր շերտ է փռվել։ Նշենք, որ աշխատանքներ են տարվում նաեւ շրջանի գյուղերում։