Ինչու է տարհանում իրականացվել վրաց-ռուսական սահմանին
Դևդորակ գետում տեղադրված չափիչ դետեկտորից տագնապի ազդանշան ստանալու պատճառով Դարիալի հովտում տարհանում է հայտարարվել։ Ըստ նախնական գնահատականի՝ ներսառցադաշտային խցանումներ և ջրերի պարբերական պոռթկումներ են կուտակվել, ինչը հանգեցրել է մինչև 4,50 մ բարձրության ալիքների առաջացման։
Շրջակա միջավայրի ազգային գործակալության տվյալներով՝ Դևդորակի հովտում վտանգի մակարդակը նվազագույն է, ջրի մակարդակը վերադարձել է իր սկզբնական մակարդակին, ջրհեղեղներ ու սողանքներ այլևս չեն արձանագրվում։ Գործակալությունը խորհուրդ է տվել բացել ճանապարհը, ինչպես նաև մինչ այժմ մասնագետները տեղում են և վերահսկում իրավիճակը։
«Ընթացիկ տարվա հունիսի 6-ին՝ ժամը 08:35-ին, Դևդորակի հովտում տեղակայված ահազանգման համակարգը հայտնաբերել է սելավային գործընթաց, որի ժամանակ համակարգն անմիջապես ահազանգ է ուղարկել Լարսի սահմանային անցակետ։
Շրջակա միջավայրի ազգային գործակալության մասնագետները ուղղաթիռով ստուգել են Դևդորակ-Ամալ հովտը և գնահատել սպասվող սպառնալիքները։
Նախնական գնահատականը ցույց է տվել, որ տեղում կուտակվել են ներսառցադաշտային խցանումներ և ջրի պարբերական պոռթկումներ, որոնք հանգեցրել են ալիքների առաջացման: Ջրի առավելագույն մակարդակը հասել է 4,50 մ-ի, իսկ ազդանշանային սահմանը Դևդորակի գետի վրա 2 մետր է։
Նշենք, որ գետ Դևդորակ-Ամալի և Թերգի հանգույցում, դուրսբերման կոնում տեղի է ունեցել Թերգի գետի կարճատև ծանրաբեռնվածություն, որը առաջացրել է Թերգի գետի հունի նեղացումը և ջրի մակարդակի կտրուկ բարձրացումը, թեև լճի ձևավորում և հովտի արգելափակում տեղի չի ունեցել»,- ասվում է գործակալության հաղորդագրության մեջ։
Նրանց տեղեկություններով՝ հովտի տեսողական զննման արդյունքում սառցադաշտում և նրա հարակից տարածքում լանջերի փլուզման հետքեր և ժայռային պրոցեսների հետքեր չկան։
Ի գիտություն, նման ազդանշանային համակարգի արդյունավետությունը փորձարկվել և ապացուցվել է ճանապարհային ենթակառուցվածքին մոտ գտնվող հովիտների համար, որոնց ընթացքում հնարավոր է ամենակարճ ժամանակում սահմանափակել ճանապարհային երթևեկությունը։
Opinion, pooling and voting
