Նոր խստացում ՌԴ-ում՝ այս անգամ օտարերկրյա վարորդների նկատմամբ
Ռուսաստանում առաջարկել են խստացնել ОСАГО (այլ կերպ ասած՝ ԱՊՊԱ) չունեցող օտարերկրյա վարորդների նկատմամբ տույժերը։
ՌԴ կառավարության նախագահ Միխայիլ Միշուստինին ուղղված այդպիսի նախաձեռնությամբ հանդես են եկել Ազգային ավտոմոբիլային միության ներկայացուցիչները:
«Առաջարկում ենք խստացնել օտարերկրացիների պատժաչափը՝ մինչ այդ տուգանային հրապարակ ուղարկելով արտասահմանյան պետհամարանիշներով ավտոմեքենաները, որոնք առանց ապահովագրության են և քանի դեռ այն ձեռք չեն բերել»,- հայտնում է «Известия»-ն՝ վկայակոչելով կառույցի փոխնախագահ Անտոն Շապարինին։
Նրա խոսքով, նման միջոցն անհրաժեշտ է, քանի որ օտարերկրացիները որպես կանոն սեփականություն չունեն և դժբախտ պատահարից հետո պարզապես լքում են Ռուսաստանը։ Դատական կարգադրիչները նրանցից գումար չեն կարող վերականգնել։
Միությունը մշտապես դիմումներ է ստանում օտարերկրյա վարորդների մասնակցությամբ ճանապարհատրանսպորտային պատահարներից տուժած մարդկանցից, որոնց մեքենան գրանցված չէ Ռուսաստանի Դաշնությունում: Բացի այդ, դժբախտ պատահար կատարած անձը սովորաբար չունի ԱՊՊԱ-ի պոլիս։ Այժմ, դրա բացակայության համար, նախատեսվում է 500-ից 800 ռուբլու չափով տուգանք վարորդի նկատմամբ»:
Փոխանցում է «Հրապարակ օրաթերթ»-ը։
Opinion, pooling and voting
