«Իմ սիրելի անկյունը» մրցույթին հաղթեցին բոլորը. ԼՈւՍԱՆԿԱՐՆԵՐ

Նինծմինդայի մշակութային կենտրոնում անցկացվեց «Իմ սիրելի անկյուն» մրցույթը, որին մասնակցել են մունիցիպալիտետի 8 տարբեր դպրոցների աշակերտներ։

Սա ավանդական միջոցառում է, որն անցկացվում է ամեն տարի, եւ որին մասնակցում են ավագ դասարանների աշակերտները։ Նրանք արդեն որոշակի տեխնոլոգիական հմտություններ ունեն տեսանյութեր պատրաստելու համար: Աշակերտների խնդրանքով մրցույթի ձևաչափը փոխվեց, և տեսանյութերը նվիրված էին գյուղաբնակ կանանց, ասում է Սպորտի, մշակույթի և կրթության ծառայության պետ Լեւոն Վարդանյանը NOR ռադիոկայանին տված հարցազրույցում։

Յուրաքանչյուր մասնակից լավ պատրաստված էր: Ժյուրիի և մասնակիցների որոշմամբ բոլորը ճանաչվեցին հաղթողներ։ Միայն Գորելովկայի թիվ 3 դպրոցի և Ջիգրաշենի դպրոցի մասնակիցները ստացել են հատուկ նվերներ՝ որպես լավագույն օպերատորներ։ Նրանք ներկայացրել են «Կանանց դերը գյուղական կյանքում» կարճ տեսահոլովակ: