Հուլիսի 1-ից չեղյալ կհայտարարվեն հին նույնականացման քարտերը

Այս տարվա հուլիսի 1-ից կչեղարկվեն հին տիպի նույնականացման (լամինացված) քարտերը: Արդարադատության նախարարությունը մարտի 15-ից սկսել է մինչև 2011թ.-ի հուլիսի 28-ը թողարկված ոչ էլեկտրոնային անձը հաստատող փաստաթղթերն անվճար փոխարինել նույնականացման էլեկտրոնային քարտով (ID քարտ):

Հանրային ծառայությունների զարգացման գործակալության տվյալներով՝ 2023 թվականի դեկտեմբերի 15-ից մինչև 2024 թվականի հունիսի 10-ը գործակալություն է դիմել 100 464 անձ՝ իրենց գործող ոչ էլեկտրոնային անձը հաստատող փաստաթուղթը փոխելու խնդրանքով, որից 93 130-ին արդեն էլեկտրոնային անձը հաստատող փաստաթուղթ է տրվել։ Այս մասին ասվում է «Եվրոօպտիմիստներ» խմբակցության անդամ Ռոման Գոցիրիձեի հարցերին ի պատասխան գործակալության ուղարկած նամակում։

Ինչ վերաբերում է այն հարցին, թե քանի հոգի պետք է փոխարինի իրենց հին նույնականացման քարտերը, վարչության տվյալներով՝ 2023 թվականի դեկտեմբերի 15-ի դրությամբ եղել է 266 915 ակտիվ հին նույնականացման քարտ։ Ըստ այդ տվյալների՝ Վրաստանի քաղաքացու վավեր կենսաչափական անձնագիր ունեցել է 48 286 մարդ։

Ըստ Հանրային ծառայությունների զարգացման գործակալության՝ մինչև 2011 թվականի հուլիսի 28-ը թողարկված ոչ էլեկտրոնային (լամինացված) անձը հաստատող փաստաթուղթը էլեկտրոնային նույնականացման քարտով (ID քարտով) անվճար փոխարինելու համար քաղաքացիները պետք է դիմեն Արդարադատության տներ և շարժական Արդարադատության տներ՝ ամբողջ երկրի մասշտաբով:

---

---