Որքան գումար կտրամադրի ՈՒԵՖԱ-ն Վրաստանի հավաքականին

Եվրոպայի առաջնությանը մասնակցող թիմերին ՈՒԵՖԱ-ն դրամական պարգևներ է տրամադրում. այս պահի դրությամբ Վրաստանի հավաքականին հասանելիք ընդհանուր գումարը կազմում է 12,25 մլն եվրո։

Մրցաշարի կանոնակարգի համաձայն՝ խմբային փուլում թիմը յուրաքանչյուր հաղթանակի համար ստանում է հավելյալ 1 մլն եվրո, իսկ ոչ-ոքիի դեպքում մրցանակը կազմում է 500 հազար եվրո։ Բացի այդ, ՈւԵՖԱ-ն սահմանել է մրցաշարի հաջորդ փուլեր տեղափոխվելու դրամական բոնուսը։ Մասնավորապես, թիմերը ստանում են լրացուցիչ 1,5 միլիոն եվրո՝ 1/8 եզրափակիչ դուրս գալու համար։

Ըստ այդմ՝ Չեխիայի հետ ազատ ոչ-ոքիի համար ազգային հավաքականը ՈՒԵՖԱ-ից պետք է ստանա 500 հազար եվրո, իսկ Պորտուգալիային հաղթելու համար՝ 1 միլիոն եվրո, որին պետք է գումարվի փլեյ-օֆֆ դուրս գալու համար սահմանված պարգևը, որն ընդհանուր կազմում է 3 մլն եվրո։ Դրան գումարվում է 9,25 մլն եվրո՝ Եվրոպայի առաջնություն մեկնելու համար, իսկ ընդհանուր գումարը կազմում է 12,25 մլն եվրո (մոտ 37 մլն լարի)։

Եթե ​​Վրաստանը հաղթի Իսպանիային ու դուրս գա քառորդ եզրափակիչ, ապա այս գումարին կավելանա 2,5 մլն եվրո։

ՈՒԵՖԱ-ի կայքում նշվում է, որ առավելագույն գումարը, որը չեմպիոնը կարող է ստանալ խմբային փուլի բոլոր երեք հանդիպումներում հաղթելու դեպքում, կազմում է 28,25 միլիոն եվրո:

---

---