Բարձրագույն կրթություն Վրաստանո՞ւմ, Հայաստանում, թե՞ Ռուսաստանում

Համալսարաններն ու քոլեջները կարևոր դեր են խաղում տարբեր ոլորտներում բարձր որակավորում ունեցող մասնագետների պատրաստման գործում:

Radio NOR-ը հարցում է անցկացրել, թե որտեղ են պատրաստվում բարձրագույն կրթություն ստանալ Նինոծմինդայի մունիցիպալիտետի երիտասարդները, քանի որ բարձրագույն կրթությունը կարևոր դեր է խաղում մարդու կյանքում՝ տալով բազմաթիվ առավելություններ և հնարավորություններ ապագայում:

Radio NOR-ը Facebook-ում առցանց հարցում է անցկացրել, որի թեման եղել է. Նինոծմինդայի մունիցիպալիտետի երիտասարդները ո՞ր երկրում են պատրաստվում բարձրագույն կրթություն ստանալ՝ Վրաստանո՞ւմ, Հայաստանում, թե՞ Ռուսաստանում:

Ֆեյսբուքյան հարցմանը ընդհանուր առմամբ մասնակցել է 168 մարդ։ Դրանցից 58%-ը Վրաստանում է, 37%-ը՝ Հայաստանում, իսկ 4%-ը պատրաստվում է բարձրագույն կրթություն ստանալ Ռուսաստանում։

Առավել մանրամասն՝ NOR ռադիոյի աուդիո նյութում.