Քանի տոկոսով է թույլատրվում մեքենայի ապակիները մգացնել
«Առանց Վրաստանի ՆԳՆ-ի համաձայնության ավտոմեքենաների սեփականատերերին թույլատրվել է մգացնել առջևի կողապակիները մինչև 60 տոկոս»,- ասվում է Վրաստանի ՆԳՆ-ի տարածած տեղեկատվության մեջ։
Ինչպես նշվում է հայտարարության մեջ, 75 տոկոս սահմանափակումը դեռևս վերաբերում է վարորդի հետևում նստած ուղևորների կողապակիներին։
«Փոփոխություններ են կատարվել մեքենաների առջևի կողային ապակիների մգացման կանոններում։ Այս տարվա հուլիսի 3-ից ներքին գործերի նախարարի հրամանով կատարված փոփոխությունների համաձայն՝ տրանսպորտային միջոցների սեփականատերերին թույլատրվել է առանց Վրաստանի ՆԳՆ-ի համաձայնության մգացնել առջևի կողապակիները մինչև 60 տոկոս։
Մինչ նշված փոփոխությունների իրականացումը այդ սահմանը 60-ի փոխարեն 40 տոկոս էր:
Ինչ վերաբերում է վարորդի հետևում նստած ուղևորների կողմից տեղադրված կողապակիներին, ապա դրանց վրա դեռևս գործում է 75 տոկոս սահմանափակումը»,- ասված է տեղեկատվության մեջ։ 1tv.ge
Opinion, pooling and voting
