![](https://nor.ge/am/wp-content/uploads/parvanayi-dproc.jpg.pagespeed.ce.Jhs29DFo7I.jpg)
Վրաստանի նախագահ Սալոմե Զուրաբիշվիլին հայց է ներկայացնում Սահմանադրական դատարան՝ պահանջելով կասեցնել և վերջնականապես չեղյալ համարել «Օտարերկրյա ազդեցության թափանցիկության մասին» օրենքը:
Այս մասին նախագահի վարչակազմում կայացած ճեպազրույցում հայտարարել է նախագահի խորհրդարանական քարտուղար Գիորգի Մսխիլաձեն։
«Վրաստանի նախագահն առաջին անգամ հայցով դիմում է Վրաստանի Սահմանադրական դատարան։ Հայցը վերաբերում է «Օտարերկրյա ազդեցության թափանցիկության» օրենքին, այսպես կոչված ռուսական օրենքին։ Նշված օրենքը հակասահմանադրական է։ Դա հակասում է Վրաստանի Սահմանադրության 78-րդ հոդվածին։ Հայցադիմումում վիճարկվում են նաեւ օրենքի մի շարք նորմեր, որոնք խախտում են սահմանադրությամբ երաշխավորված մի շարք հիմնարար իրավունքներ։ Այս հայցով նախագահը պահանջում է կասեցնել նշված օրենքը և վերջնականապես չեղարկել»,- ասել է Գիորգի Մսխիլաձեն։