Վրաստանում սպասվող եղանակի մասին

Շրջակա միջավայրի ազգային գործակալությունը նախազգուշացրել է Վրաստանում եղանակի վատթարացման մասին։

«Հուլիսի 26-28-ը Վրաստանում սպասվում է կարճատև անձրև, տեղ-տեղ առատ, հնարավոր է ամպրոպ և կարկուտ»,- ասվում է գերատեսչության ֆեյսբուքյան գրառման մեջ։

Հուլիսի 28-ին հանրապետության առափնյա շրջաններում սպասվում է քամու ուժգնացում։ Ծովում հնարավոր է 3-4 բալ ուժգնությամբ փոթորիկ:

Սպասվող տեղումները կարող են առաջացնել գետերի մակարդակի զգալի բարձրացում։ Հավանական է սողանքային գործընթացների ակտիվացում՝ նախալեռնային և լեռնային շրջաններում: (սպառնալիքի մակարդակը միջին է):

---

---