Վրաստանում հայտնաբերվել է երեխայի կմախք, ով ապրել է 10 հազար տարի առաջ
Արևմտյան Վրաստանում հնագետները հայտնաբերել են մարդու կմախք, ով ապրել է մոտ 10 հազար տարի առաջ։
Սաչխերեի մունիցիպալիտետի Բոնդի քարանձավում եզակի հայտնագործություն է կատարվել. Մնացորդներով հատվածը շարված է եղել քարերով, ինչը, ինչպես նշում են գիտնականները, բնորոշ է հնագույն թաղման ծեսերին։
Նախնական հաշվարկներով կմախքը պատկանում է մինչև 12 տարեկան երեխայի։
Բոնդի քարանձավը հետազոտվել է Իլյա պետական համալսարանի պրոֆեսոր Նիկոլոզ Թուշաբրամիշվիլիի գլխավորած արշավախմբի կողմից։
Բրածոները տեղափոխվել են Ճիաթուրայի երկրագիտական թանգարան։ Մոտ ապագայում գիտնականները պետք է վերծանեն հին մարդու ոսկորից արդյունահանված ԴՆԹ-ն։ Գենետիկական թեստեր կիրականացվեն արտասահմանյան լաբորատորիաներում։ Հետազոտությանը մասնակցել են փորձագետներ Մեծ Բրիտանիայից, ԱՄՆ-ից և Ճապոնիայից։
«Մենք դեռ ճշգրիտ տարիքը չգիտենք, բայց գիտենք, որ այն պատկանում է տաքացման սկսվելուց հետո ընկած ժամանակահատվածին», – ասել է Թուշաբրամիշվիլին Առաջին ալիքի լրագրողներին:
Վերլուծությունները լույս կսփռեն վաղ միգրացիայի և եվրոպական նախաքաղաքակրթությունների պատմության վրա:
Պրոֆեսորը ենթադրում է, որ դեռահասը կարող է լինել Կոտիի «հորեղբոր տղան»՝ այսպես է կոչվում այն տղամարդը, ում կմախքը հնագետները հայտնաբերել են անցյալ տարի մոտակա Կոտիա քարանձավում։ Մնացորդների հաստատված տարիքը 9700 տարի է։
«Սա արևմտաեվրոպական գենոմ է, որը ներկայացնում է չորս գենետիկ գիծ։ Չորսից մեկը Հարավային Կովկասից է»,- ասել է Թուշաբրամիշվիլին «Ռուսթավի 2»-ին տված հարցազրույցում։
Բոնդի քարանձավը եզակի հնագիտական վայր է։ Թուշաբրամիշվիլին այն բացել է 2007 թվականին։ Այդ ժամանակվանից այնտեղ բազմաթիվ կարևոր հայտնագործություններ են արվել՝ հնագույն հզոր երկրաշարժի հետքեր, հրաբխային մոխիր, ժայռապատկերներ և աշխարհի ամենահին թելը՝ 32 հազար տարեկան։
Քարանձավի ներսում կան բազմաթիվ մետրանոց նստվածքային շերտեր։ Յուրաքանչյուրը ներկայացնում է երկրաբանական ժամանակի որոշակի կետ: Մինչ ժամանակակից մարդկանց գալուստը քարանձավում ապրում էին նեանդերթալցիները։
Բոնդին կարող է պատմել, թե ինչպես են վերջին նեանդերթալցիները շփվել հոմոսափիենսի հետ։
Opinion, pooling and voting
