Ի՞նչ օգուտներ է բերել Նինոծմինդայի երիտասարդական կենտրոնը հասարակությանը
Նինոծմինդա քաղաքի Երիտասարդական կենտրոնը հասարակական կազմակերպություն է, որը 2004 թվականից Նինոծմինդա քաղաքի երիտասարդներին հնարավորություն է ընձեռում զարգանալ և առաջ տանել իրենց կյանքի ուղին:
Երիտասարդական կենտրոնի ծրագրերն ու նախագծերն օգնում են տեղի երիտասարդներին և կանանց հասնել իրենց նպատակներին, ինտեգրվել հասարակությանը և զարգացնել իրենց տաղանդն ու կարողությունները: Այստեղ երիտասարդները անցնում են տարբեր տեսակի թրեյնինգներ, սովորում են անգլերեն, անցնում բիզնես դասընթացներ տարբեր ծրագրերի շրջանակներում, սովորում են նախագծեր գրել, մասնակցել դրամաշնորհային մրցույթների և հնարավորություն են ստանում բացել իրենց փոքր բիզնեսը, զարգացնել այն և չլքել հայրենի քաղաքը, այլ` ընդհակառակը, օգտակար լինել հասարակությանը:
Երիտասարդական կենտրոնի գործադիր տնօրեն Իրինա Ղարսլյանի խոսքով, երիտասարդների մեծ ձեռքբերումներից են ստացած դրամաշնորհները, որոնք օգնել են բացել սեփական բիզնեսն ու զարգացնել այն։ Եթե երիտասարդական կենտրոնը փակվի, Նինոծմինդայի երիտասարդությունը կկորցնի բազմաթիվ նախագծերի մասնակցելու հնարավորությունը և, որ ամենակարեւորն է, զարգանալու մոտիվացիան քիչ կլինի։
Անժելինա Ղարսլյանը Երիտասարդական կենտրոնի ակտիվիստ է։ Նա կենտրոն է այցելում արդեն 3 տարի։ Անժելինայի խոսքով՝ Երիտասարդական կենտրոնը իրականացրել է իր երազանքը և ստացած դրամաշնորհի միջոցով կարողացել է բացել սեփական բիզնեսը։
Առավել մանրամասն՝ Անժելինա Ղարսլյանի հետ զրույցում.
Իրինա Ղարսլյանը հայտարարեց, որ եթե «թափանցիկության օրենքի» շրջանակներում որպես օտարերկրյա գործակալ գրանցվելու անհրաժեշտություն առաջանա, Երիտասարդական կենտրոնը չի գրանցվի և ժամանակը ցույց կտա թե ինչպես կզարգանան իրադարձությունները ապագայում։
Opinion, pooling and voting
