Վերանորոգվում է Նինոծմինդայի հին անցակետից նոր անցակետ տանող ճանապարհահատվածը

Արդեն մոտ մեկ շաբաթ է վերանորոգման աշխատանքներ են իրականացվում Նինոծմինդայի հին անցակետից մինչև նոր անցակետ տանող մոտ 500 մ երկարությամբ ճանապարհին։

Այս պահին հանվում է ճանապարհի քանդված շերտը և ամբողջովին հիմքից փորվում է։

Կատարվող աշխատանքների մասին ավելի մանրամասն տեղեկություն ստանալու համար փորձեցինք կապ հաստատել Վրաստանի ճանապարհային դեպարտամենտի աշխատակիցների հետ, սակայն մեր բոլոր զանգերը մնացին անպատասխան։

NOR -ը նախկինում անդրադարձել էր, որ ապամոնտաժվել է Նինոծմինդա – Բավրա միջպետական նշանակության ճանապարհի վրացական կողմում գտնվող հին մասնաշենքը: Ապամոնտաժման աշխատանքներն իրակացվել էր Վրաստանի եկամուտների ծառայության պատվերով: Մրցույթը շահել էր შპს ”როდა” ընկերությունը:

Հիշեցնենք, որ 2023 թվականի սեպտեմբեր ամսվա տվյալներով NOR ռադիոկայանը անդրադրաձել էր, որ Օրլովկա գյուղից մինչեւ անցակետ տանող Վրաստան-Հայաստան միջպետական նշանակության ճանապարհը վերանորոգվել է։ Պատվիրատուն Վրաստանի ճանապարհային դեպարտամենտն էր, իսկ աշխատանքներն իրականացնում էր Ջավախավտոգզա ընկերությունը:

Կարդացեք նաև՝

• Հուլիսին նորոգված ճանապարհը սեպտեմբերին կրկին վերանորոգվում է
• Փոփոխություններ Նինոծմինդա – Բավրա անցակետում

---

---