Շանը դաժանաբար սպանած տղամարդն ազատազրկվել է

ֆոտոն արխիվից

Բոլնիսիի շրջանային դատարանը շանը ծեծի ենթարկելով սպանած տղամարդուն դատապարտել է 1 տարի 2 ամիս ազատազրկման։ Այս մասին ֆեյսբուքյան իր էջում հայտնել է ակտիվիստ Տասո Լոսաբերիձեն, ով ակտիվ ներգրավված էր այս մեղավորին պատժելու պահանջով Թբիլիսիում կայացած բողոքի ցույցերի ժամանակ։

Լոսաբերիձեն նշում է այս պատժի կարևորության մասին՝ մատնանշելով, որ Վրաստանում, հավանաբար, առաջին անգամն է, որ մարդ բանտարկվում է շան սպանության համար։ Կենդանիների նկատմամբ դաժան վերաբերմունքի մեջ մեղադրվողները, որպես կանոն, ազատ են արձակվում ​​տուգանքներով կամ պայմանական պատիժներով։ Ակտիվիստները հետևողականորեն պահանջում էին խստացնել պատիժները նման հանցագործությունների համար։

Հատկանշական է, որ Մառնեուլիի մունիցիպալիտետի Կաչագանի գյուղում շան սպանության դեպքը մեծ արձագանք էր ստացել։ Միջադեպի դաժան կադրերը սոցցանցերում տարածվեցին 2024 թվականի սկզբին։ Վրաստանում մի քանի բողոքի ակցիաներ են տեղի ունեցել՝ մեղավորին պատժելու պահանջով։

Շատ չանցած ոստիկանները բերման են ենթարկել տղամարդուն։ Վրաստանի դատախազությունը նրան մեղադրանք է առաջադրել կենդանու նկատմամբ դաժան վերաբերմունքի համար, որը հանգեցրել է նրա մահվան։ Այս հանցանքը պատժվում է ազատազրկմամբ՝ մեկից չորս տարի ժամկետով։ aliq.ge

---

---