Կինն օդանավակայանում խճճվել է ուղեբեռի փոխակրիչի ժապավենի մեջ և մահացել

Հինգշաբթի առավոտյան Չիկագոյի Օ’Հարա միջազգային օդանավակայանում ուղեբեռի փոխակրիչում կին է մահացել, հաղորդում է ABC News-ը՝ վկայակոչելով պաշտոնյաներին: Չիկագոյի ոստիկանական բաժանմունքի տվյալներով, կինը, որի ինքնությունը դեռ պարզված չէ, 57 տարեկան էր։

Աշխատանքի նախարարության ներկայացուցիչն ասել է, որ կինն օդանավակայանի աշխատակից չի եղել: Չիկագոյի արտակարգ արձագանքման աշխատակիցները 5-րդ տերմինալ են կանչվել հինգշաբթի տեղական ժամանակով առավոտյան ժամը 7:45-ին, այն բանից հետո, երբ հաղորդում է ստացվել, որ կինը «սեղմված է մեխանիզմի մեջ»:

Հրշեջները հայտնել են, որ դեպքի վայր հասնելուն պես կնոջը հայտնաբերել են «փոխակրիչի ժապավենի մեջ խճճված, որն օգտագործվում է ուղեբեռը տեղափոխելու համար»:

Բժիշկները դեպքի վայրում արձանագրել են կնոջ մահը։ Ոստիկանությունը հայտնել է, որ տարածքի տեսահսկման կադրերը ցույց են տվել, որ կինը 2:27-ին մուտք է գործել արգելված տարածք:

---

---